Hvað segir þú í dag Hlöðver grís........

2005-09-05T12:22:00.000Z

Nú eru 2 vikur liðnar af kennslu og ég er enn á lífi. Þetta er fjörmikill hópur og maður þarf að hafa sig alla við að halda liðinu við efnið. En þetta gengur og tíminn sannarlega flýgur. Ég lít á þetta sem áskorun og eins og er þá er það ég sem er með vinninginn......

Framundan eru flutningar. Í vikunni stendur til að bretta fram ermar og mála íbúðina hans Stefáns (áður en prinsessan flytur inn). Við ætlum að reyna að vera snögg að þessu svo við getum verið búin að koma okkur fyrir sem fyrst. Við erum bæði orðin þreytt á því að vera á stöðugum rúnti á milli staða og dótið alltaf á öðru hvorum staðnum. Það verður því ljúft þegar þetta hefur tekist.

Annars er allt í góðum gír. Skólinn minn byrjar 15. sept. og ég er farin að kvíða oggu ponku fyrir. En þá er bara að bretta upp ermarnar og ganga til verksins.

2005-08-23T19:08:00.000Z

Stúlkan er ekki dauð!

Byrjuð í skólanum og byrjuð að kenna... þetta eru nú meiri skæruliðarnir, segi sona ;) Þetta leggst vel í mig en það segir enginn að þetta verði auðvelt. En nenni ekki að henda meiru inn í bili. Bara gott að vera til og sona.. vonandi að ég hætti að vera sona mikill félagsskítur og fari að verða með brjál. mikla orku!

2005-08-10T15:33:00.000Z

Nú er mín eldhress....

nú fer fríinu senn að ljúka :( Byrja að vinna aftur á laugardaginn í Einarsnesinu og svo tekur alvaran við á mánudeginum þar sem vinnan í skólanum byrjar. Þar á maður eftir að mæta fylkingu af samkennurum og því sem fylgir að byrja í kennslu. Ég fór í skólann á mánudeginum og hitti á "tvíburasystur mína" skilst þeir tali svona um kennara sem kenna sama árgangi. Fékk hjá henni bækur sem ég gæti kynnt mér fyrir mánudaginn. Nú svo ræddum við um daginn og veginn og hvernig þetta yrði. Mér líst vel á þessa konu og held að samstarfið eigi eftir að ganga alveg ljómandi vel ( 7 9 13 ). Síðan er ég búin að vera voða dugleg að fara út að ganga þ.e. bæði með Múttu og Teddu. Farið af stað kl 07 um morgunin (mar þarf víst að venja sig við að vakna snemma) og svo kl 18 að kvöldi með Teddu. Við Tedda erum búnar að vera að þvælast um í Heiðmörkinni og ég mæli svo sannalega með að kíkja þangað sannkölluð útivistarparadís. Annars er fríið eiginlega búin að fara mest í ekki neitt. Ég nenni engu og kvarta yfir því að hafa ekkert að gera nú svo ef ég fæ verkefni þá nenni ég því ekkert frekar. Maður er alveg ótrúlegur, en alltaf jafn duglegur að kvarta....
Jæja ætla að fara að gera e-ð uppbyggjandi sjáumst!

2005-08-07T11:55:00.000Z

Tíminn líður tíminn líður....
nú er ég búin að vera í sumarfríi frá því á mánudag og ég get með sanni sagt að mér hefur ekkert orðið úr verki. Jú nú lýg ég smá... ég er allavegana búin að hitta e-ð á vinkonurnar sem ég hef ekki hitt forever. Á föstudagskvöldinu gerðum við Arna okkur glaðan dag og skelltum okkur út að borða á El Racú og fengum okkur vefju - get sannarlega mælt með henni rosalega bragðgóð og kjötið ekkert sparað eins og þekkist víða. Eftir það var haldið af stað og sé bíómyndina Island sem er alls ekkert slæm náttla kom það manni ekkert á óvart hvernig hún endaði en það var nógur hasar og gaman að fylgjast með. Svo má ekki gleyma gaypride göngunni sem ég skellti mér að horfa á. Hafði miklar áhyggjur af því að fólk héldi að ég væri komin út úr skápnum þar sem ég er stutklippt og var íklædd leðurjakka og víðum buxum. Taldi það næsta víst að nú kæmi DV og spyrði mig út í hátíðina og hversu lengi fjölskyldan hefði vitað o.s.frv. En viti menn ég opnaði blöðin í morgun og ekki ein einasta mynd. Mar er bara ekki eins popúlar og mar heldur :)
....Þessa stundina er hann Stebbi minn í Danmörku að kynnast danskri hygge. Ég fúslega viðurkenni að ég öfunda hann. Það er so yndislegt að vera í Danmörku, sérstaklega í góðu veðri og bara vera til. Ekki misskilja mig það er nú líka gott að vera heima og er líka búin að hafa það huggó hér. En Danmörk er sérstök og hefur lag á því að fá mann til að slaka...slaka...slaka.....

Nú er vika til stefnu áður en kennslan hefst og ég er rétt farin að finna fyrir litlum fiðrildum í maganum. En það er bara að hella sér út í þetta og hlakka til frekar en að kvíða, því kvíðinn skilar manni engu nema magasári.

Í fréttum var þetta helst lifið heil ;)

2005-07-29T12:39:00.000Z

Farin búið bless.....

Nú sit ég hér í vinnunni og tel niður tímana. Eins og er eru 3 tímar þangað til að ég hef klárað störf mín í símaverinu. Til að halda upp á þetta þá keypti ég mér tíma í kínverskunuddi og ætla að fá þá til að hrista úr mér allt slen. Verslunarmannahelgin segið þið, nei leiðin liggur ekki austur og ekki til eyja. Ég verð við vinnu í Einarsnesinu og fer því ekki neitt. Því verður þessi helgi tekin með chilli sem er svo sem góð leið til að hefja mitt tveggja vikna frí sem ég er búin að hlakka heil ósköpin til. Nei, ég er ekki með neitt planað nema það að vanda mig við að vera með tærnar upp í loftið :)

Ekki má gleyma... góða ferð Jóhanna mín og skemmtu þér ógó vel í fríinu.

ciao í beli ;)

2005-07-25T08:38:00.000Z

Helgin leið með steikjandi hita og yndisleg leika. Mér varð nú ekki mikið úr verki en hvað með það, náði allavegana smá lit ;). Nú fer að styttast í vinnulok þ.e. tel niður 5 dagar í dag. Jú og svo má ekki gleyma að ég hitti tengdó á föstudagskvöldinu. Alveg yndisleg kona og viðkunnalegur maðurinn hennar. Allavegana líst mér mjög vel á þau, og hausinn á mér er enn á, þannig þetta hlýtur nú að vera allt í áttina :D
Látum þessum samtíning lokið....

2005-07-20T15:52:00.000Z

Skellti mér í bíó í gær með nokkrum félögum. Fórum að sjá Sin City. Var reyndar búin að stelast til að horfa smá úr henni áður. Og ég get sagt ykkur það að ég var ekki fyrir vonbrigðum. Ég neita því ekki að ég vissi ekki alveg í hvort fótinn ég átti að stíga þar sem maður vissi ekki hvort maður var að koma eða fara stundum. En lookið var gegt töff og setti tóninn. Leikararnir voru líka að sýna á sér nýjar hliðar. Hlakka bara til næsta sumar þegar mar fær að sjá meir. Meira var það nú ekki.....

2005-07-19T12:07:00.000Z

Jú jú ég keypti bílinn!

....og er geggjuð skvís á honum (ég læt bílinn líta vel út ;) eða er það öfugt). Annars er barasta allt í gúddí þessa dagana. Á svo sum ekki mikið líf. Ef ég er ekki í Símaverinu þá er ég í Einarsnesinu og svo öfugt. Ekkert sérstaklega spennandi en með þessu ætti ég vonandi að geta lagt e-ð inn í bankann... fór soldið mikið út við að sjoppa einn bíl, en vel þess virði samt! Nú fer senn að líða að starfslokum mínum í símaverinu og ég játa það alveg að ég hlakka til. Ég fæ svona nokkurs konar sumarfrí í byrjun ágúst þ.e. áður en ég fer að kenna og geri mér vonir um að nýta mér það með því að setja tærnar upp í loftið. Bið bara um gott veður í byrjun ágúst.

Segjum þetta gott.. over and out!

2005-07-15T10:12:00.000Z

Nú held ég að bíllinn sé fundinn!

http://194.144.128.74/notadir/nanar.hsm?HTMLIN=0029082&STAKUR=002

Geggjaður... vonandi gengur þetta upp!

skvísu kveðjur

2005-07-13T13:27:00.000Z

Ég er enginn letingi!...bara soldið þreytt!

Það nýjasta nýtt eða gamlar fréttir það er eftir því hvern ég hef hitt. En já ég er búin að ráða mig í kennslu í vetur. Verð með umsjón í 6. bekk og íslensku í 8. bekk nú og svo fæ ég að vera með leiklist og leiklistarnámskeið. Ég er mjög spennt fyrir þessu öllu og nú held ég að það fái virkilega að reyna á mann. Ég byrja s.s. 1. ágúst (í fríi) og á sama tíma er ég laus frá borginni. Mikið lifandi skelfingar ósköp verð ég fegin að sleppa frá tölvunni og símanum. Skal segja ykkur þetta er fínt svona til að hanga í heima en nei, ekki í vinnunni. Mar er dauðþreyttur alla daga.... ekki útaf ég hreyfi mig svo mikið heldur þetta stöðuga áreiti. En já aðrar fréttir eru þær að nú er ég að huga að bílakaupum. En það furðulega er að það eru engir ódýrir nýjir bílar! svona eins og ég er að leita að, alveg merkilegt! Ég hefði nú haldið að þeir biðu í röðum eftir mér en nei ég verð bara að halda áfram að hafa augu og eyru opin. Nú er s.s. komið að því að leggja twingoinum þrátt fyrir góða þjónustu. Það hefur borið á því undanfarið að fólk hafi verið að gera grín af greyinu, en bíðið þið bara... þegar ég verð búin að kaupa nýjan front á gripinn skulum við spyrja hver hlær að leikslokum ;). Annars er barasta allt í gúddí, mar kvartar audda alltaf yfir tímaleysi en mar verður þá bara að nota þær stundir sem maður hefur, vel. Segjum þetta gott úr letilandinu og heyrumst fljótlega. Knús og kossar

2005-06-24T14:28:00.000Z

Komin í sumarfrí...nenni ekki bloggi í bili

2005-06-14T11:14:00.000Z

Kokteil boð og kokkerí...

Laugardagurinn tókst með eindæmum vel. Veðrið sem ég pantaði frá Ástralíu skilaði sér á réttum tíma, eða um hádegisbil á laugardeginum. Það var glampandi sól á leiðinni inn í Hafnarfjörð en þar fór útskriftin fram. Á leiðinni höfðu skvísurnar áhyggjur á því að prófið yrði kannski metið minna þar sem það væri gefið út í Hafnarfirði :/. Athöfnin var allt í lagi, en ég var búin að kvíða því að þurfa að setja þarna í 2 tíma. En sem betur fer sat ég hjá fullt af fólki sem ég kannaðist við og gat því e-ð spjallað á meðan.
Þegar athöfninni var lokið var brunað heim og þá tók eldamennskan við. Mamma fór á fullt að útbúa matinn fyrir kvöldið og ég í því að hjálpa henni í að skera niður o.fl. En mamma á nú alveg heiðurinn af þessu og kann ég henni bestu þakkir. Enda var borðið og maturinn hinn glæsilegasti m.a. notast við gullfiska í borðskreytingu... kom mjög skemmtilega út þótt það hljómi skringilega. Þegar fólk tók að streyma þá byrjaði ballið aldeilis. Vínið, bollan, bjórinn og maturinn runnu út og allir svaka hressir og skemmtilegir. Ég skemmti mér allavegana svaka vel og tel að kvöldið hafi verið vel heppnað þótt að ég hefði viljað getað eitt meiri tíma með hverjum og einum. Ég hef ekki hitt sumt af þessu fólki í allt allt allt of langan tíma og hinir sem ég hef hitt þá hefur það nú oft verið á hlaupum (í sumum tilfellum bókstaflegum). En allavegana ég naut mín og vona að hinir hafi gert það líka.
Nú er það bara hversdagsleikinn vinnan og aftur vinnan....

2005-06-10T18:35:00.000Z

Útskrift - Útkskrift - Útskrift og aftur Útskrift......

Já eina sem kemst að hjá manni þessa dagana! Keypti loksins kjólinn sem ég ætla að vera í dag og kann ég Gyðu bestu þakkir fyrir stuðningin í því dæmi. Við löbbuðum inn í Next sem var búðin sem við ákváðum að byrja í og viti menn.... Kjóllinn fundinn strax í fyrstu tilraun. Síðan er mamma búin að vera rosa dugleg að kaupa í matinn og við pa vorum að enda við að kaupa sullið sem á að drekkast annað kvöld. Hér er enn allt á rúi og stúi þar sem ma og pa eru að leggja lokahönd á breytingar í þvottahúsinu, sem er sem sagt núna orðið herbergi.

Nenni ekki að setja inn meira í bili, enda á ég að vera að standa yfir pönnunni að elda, vona að það sé ekki brunnið við.

Sjáumst sem flest annað kvöld!

kiss og knús

2005-06-05T13:59:00.000Z

Nú styttist óðum í útskrift eða þann 11. júní. Við mamma erum búnar að plana kokteilpartý í tilefni dagsins og þemað á að vera sumar. Við erum búnar að panta gott veður þannig þetta á eftir að vera voða notalegt hjá okkur. Og vonandi að sem flestir sjái sér fært um að mæta (þótt þetta sé nú ekkert stórt).
Ég prófaði stafgöngu í morgun með Múttu og Helgu vinkonu hennar. Helvíti var þetta gaman, mar gjörsamlega flaug áfram miðað við venjulega göngu. Ég fór líka með púlsmælinn og sá það að púlsinn var á góðu beati alla leiðina. Það er líka svo yndislegt veður að það er ekkert leiðinlegt að vera úti á þessum tíma. Annars er það bara vinnan vinnan og aftur vinnan like usually in my life nema til komi Spánarferð sem Gyða var e-ð að hóta. Það væri ekkert smá notó ef það gengi upp. Þetta er í fyrsta skipti á ævinni sem ég gæti hugsað mér að fara eitthvert bara til að flatmaga og ekki gera neitt annað. Ætli þetta séu ellimerki ???

2005-06-01T10:35:00.000Z

Komin heim!

Bretland - London - Cambridge - Retford - Nottingham... og ég veit ekki hvað og hvað.
Þetta var nú meiri prinsessuferðin. Við Gyða skemmtum okkur stórkostlega! Við versluðum fullt og fengum að spreyta okkur fullt í enskunni. Bretland er enn jafn skítugt en strákar alltaf jafn hressir (bætir það upp). Við komum heim aðfararnótt mánudags og ég er búin að vera fríi þangað til í dag. Veitti ekki af s.s. að laga til heima hjá mér... Jesús minn skíturinn og drullann (var greinilega að venja mig við Bretland).
Nú svo er ég búin að fá einkunnir... 2x8 og 2x 8,5 sem ég tel vel sloppið miðað við MJÖG erfiða önn. Framundan er afmæli hjá Múttu og loks úskrift hjá mér. Þetta ætlar að takast! Svo var ég að greiða reikninginn fyrir skólagjöldunum í frh. námið svo nú er ekki aftur snúið.

Læt þetta duga í bili

2005-05-24T09:22:00.000Z

Jahú!

Nú erum við að tala saman! London í dag...jibbí jahú
Næstum allt búið nema það þarf að setja inn breytingar á ritgerð og henda í prentun...
Sem betur fer! Jih skrifa í stikkorðum o.s.frv. næstum jafn góð og ritgerðin sem sem Siggi átti að skrifa.

Pakkaði í morgun, kláraði af mér ritgerði í gær so to speak. Útskrift 11. júní
You're invited

BYE og góða skemmtun hjá mér!

2005-05-19T09:53:00.000Z

Nú er loksins að verða tími fyrir e-ð!

Ég er að verða búin að öllu í skólanum....jibbí!
Allt nema smá föndur með ritgerðina sem ég ætla að reyna að klára frá sem fyrst. En það er svo skrýtið um leið og maður finnur að það sé orðið minna að gera að þá hellist yfir mann e-r leiði. Finnst e-rn veginn allt ómögulegt í staðinn fyrir að gleðjast yfir því það sem er vel gert og maður skuli hafa loksins ,,meikað það", er að útskrifast for real.
Framundan er auðvitað Londonferðin með Gyðu og jafnvel framhald til Króatíu... one never knows. Við förum út á þriðjudag og þá verður shoppað og drukkið ;) En þangað til þá er stefnan tekin á Júróvisjóngeim. Eins gott að Evrópubúar standi með okkur og Ísland komist áfram í kvöld, annars er búið að eyðileggja fyrir manni djammið.

Skrifa meir í næsta hresskasti :D

2005-05-12T23:43:00.000Z

Jibbí

Komst inn í frh.námið í Kennó!
...ákaflega þakklát
heyrumst!

2005-05-12T11:47:00.000Z

Ritgerðin loksins að komast í höfn... .en alltaf kemur e-ð smotterí upp!

En skiptir engu þetta er að taka enda. Nú þarf ég bara að vera dugleg að klára hin verkefnin
Bið að heilsa

2005-05-08T13:35:00.000Z

Skamm skamm....

Blogg hvað þessa dagana, það er viðmótið. Ég sem hef kvartað yfir bloggleysi annarra ætti nú barasta að skammast mín, ætli það sé ekki hálfur mánuður síðan ég henti e-u inn hérna. En á þessum tíma hefur lífið snúist í kringum lokaverkefnið. Ég hef ekkert verið neitt sérstaklega upplífgandi, verið með stresshnút í maganum og til að fela stress-hrukkurnar fjárfesti ég í brúnkukremi. Ég reyndar mæli með þessu brúnkukremi, það svínvirkar ;) Þetta er svona mús frá Clinique.
Lokaverkefnisskil eru á þriðjudag... og Hallelúja ef ég næ að skila fyrir þann tíma. Annars er eitthvað ferlega dúbíús í gangi með leiðsögukennarann okkar, sem ég nenni ekki að eyða orku og tíma í að ræða hér. En get allavegana upplýst ykkur um að ég tel niður þegar ég er laus úr verkefnahrúgunni frá honum.
Ég fæ væntanlega að vita um það í vikunni hvort ég kemst inn í framhaldsdeildina í Kennó eða ekki doldil spenna þar, því ef ég fer ekki inn, þá þarf ég að setja plan B í gang og satt að segja nenni því ekki. Annars tel ég bara niður í Bretlandsferðina og e-ð frí þar sem ég veit ekki að ég eigi eftir að vera með e-r verkefni hangandi yfir mér.
Jæja segi þessu upplífgandi bloggi lokið í bili

2005-04-25T18:20:00.000Z

Bretlandsferð 24. - 29. maí... búin að versla miðann,
Rock city hvað?

2005-04-25T15:57:00.000Z

Nú fer senn að líða að lokum skólaársins!
Og ég loksins að útskrifast þ.e.a.s. ef ég sparka í rassinn á sjálfri mér og keyri áfram verkefnin sem ég á eftir. Lokaritgerðin er loksins komin á einhvern skrið og telst mér svo að við séum komin með hátt í 20 síður og þá er ekkert búið að skrifa um seinni rannsóknina, Jibbí loksins!
Svo er maður búin að vera nokkuð spakur undanfarið enda er búið að vera metferð í bíó. Ég veit ekki alveg hvort það sé vegna þess að okkur Jóhönnu þykja hnetur góðar (það fylgir nefninlega ferð á hnetubarinn með 1 bíóferð í viku) eða hvort það sé vegna þess það sé óvenjumikið að góðum myndum í bíó!
Annars keypti ég mér próteindúnk í dag s.s. hingað og ekki lengra, gera smá breytingar á mataræðinu. Ég nefninlega tók að mér að aðstoða eina í vinnunni í sambandi við það og þess vegna þarf ég að vera góð fyrirmynd næstu vikur :)
Nú svo er ég búin að fá frí í vinnunni nokkra daga í lok maí svo ég komist í Bretlandsförina okkar Gyðu.
En helstu afrek dagsins var að sofa yfir sig! Reyndar svaf ég ekkert yfir mig vinnulega séð heldur ræktarlega séð. Og loksins þegar ég kom mér á lappir nennti ég ómögulega að fara á handahlaupum niður í rækt. Því var það mikið afrek eftir vinnu í dag að fara út að skokka. Jamm míns skokkaði dalinn, stóra hringinn á u.þ.b. 40 mínútum og ekkert stopp. Ræktin er að gera góða hluti fyrir mann e-sstaðar.
En nú ætla ég að snúa mér að lærdómnum og láta af afrekssögunum.

2005-04-21T14:08:00.000Z

Gleðilegt Sumar!

Takk fyrir veturinn... þetta var barasta fínasti vetur miðað við marga aðra. Allavegana búið að vera nóg að gera og búin að eiga yndislegar stundir með vinunum á dimmum vetrar dögum/kvöldum.

Byrjaði sumarið með nýjan háralit og klippingu. Hallelúja ég þurfti á því að halda ;)

Það verður tekið á því í sumar s.s. planað að fara á fjöll, hjólaferðir, ferðalög og margt fleira. Nú er bara málið að láta verða af þessu. En þetta sumar klikkum við ekki ;)

2005-04-19T09:06:00.000Z

Heil og sæl!

Ekki mikið að frétta síðan síðast.
Líney systir er komin heim og býð ég hana hjartanlega velkomna, knús og kossar.
Nú svo er amma gamla komin í rannsókn fyrir norðan og vona ég að allt gangi sem best hjá henni. Annars er það bara vinnan og lokaverkefnið og smá skóli... mar sona reynir!
Annars var helgin góð... mikið um að vera. Lét vera að fara í bústað og kíkti í bæinn hér heima. Reyndar áttum við Jóhanna fínustu girly helgi. Bíó nammi og út að borða... voða lúxus á okkur. Enduðum svo upp í Hafnarfirði í heimsókn hjá Hebu. Ég er búin að ætla að fara til hennar í ár og öld... og loksins nokkrum öldum seinna lét ég verða að því. Það var voða gaman að hitta á hana aftur og vonandi látum við ekki líða svona mikið á milli næst.
Svo skilst mér á öllu að maður sé á leiðinni út á land til að vinna í ritgerðinni þ.e.a.s. ef ég fæ skipt helginni. Er reyndar ekki bjartsýn með það... en so be it
Jæja hættum þessu röfli ;) let's kick some ass 2day

2005-04-14T15:58:00.000Z

LOKSINS LOKSINS

Jæja nú er seinni könnunin loksins komin út hjá okkur Guddu og Sigga! Helleljúa... e-ð að gerast. Nú svo er Gudda búin að vera sérstaklega dugleg að reikna út úr fyrri könnuninni og á hún heiður skilinn fyrir það. Annars er nú ekkert merkilegt að frétta... nenni hreinlega ekki að blogga þessa dagana þar sem maður er með fullt að gera. Framundan er víst bústaðarferð á laugardaginn. Efast samt um að ég fari þrátt fyrir gott boð. Nú svo var mér gefið RISA PÁSKAEGG...oggisslega gaman... hann Pétur gaf mér það, en sagði svo jafnframt að ég ætti að koma færandi hendi í bústaðinn, þannig nú er orðin spurning hversu mikið mig langi í eggið þar sem þessu fylgdi kvöð!
Annars fer að koma að því að við Gyða förum að shoppa farið í Bretlandsförina miklu. Miklu segi ég því við erum báðar farnar að þrá að komast til U.K. og þó að það verði bara nokkrir dagar þá efa ég ekki að við eigum eftir að skemmta okkur all svakalega. Fínt að hafa e-ð svona til að hlakka til. Segjum þetta gott í bili, þangað til mar hefur e-ð skemmtó að segja!

2005-04-10T21:50:00.000Z

jah so Baddi bró hefur ekki verið að standa sig í blogginu og því hafa vinir hans hlaupið undir bagga með honum og reddað blogginu. Þau eru því farin að blogga saman!
Set því inn nýjan tengil fyrir Badda bró og félaga... en held Líney sys inni þar sem ég bind miklar vonir um að hún verði sjálfstæð og bloggi smá sjálf ;) En hér eru Baddi og félagar
Nú svo er nýr bloggari... Stebbi Sæti ;) set hann líka inn. Hann er líka svo svaka duglegur að taka myndir að það er voða gaman að skoða :)

2005-04-09T19:22:00.000Z

Komin heim úr skreppitúrnum!

Já kom heim miðdegis í dag úr Akureyrartúrnum. Aldeilis sérdeilis fínt! Ég og Gudda tókum að okkur að kynna KHÍ á háskóladeginum á Akureyri. Þetta gekk ekkert smá vel hjá okkur og vorum við búnar að sannfæra fólk sem hafði ekki einu sinni dottið í hug að fara í Kennó að sækja um. Þau sem voru með okkur að kynna frá skólanum urðu yfir sig hrifin og báðu okkur að vera með þeim á næstu kynningu sem yrði þá á Egilststöðum eftir hálfan mánuð. Ég held það geti barasta verið gaman en við Gudda við Gudda getum alltaf skemmt okkur saman :) Ekki skemmdi fyrir að fá fría nótt á hótel Kea og bílaleigubíll. By the way bílaleigubíllinn var svo Skodi og station bíll í þokkabót! Við fíluðum okkur því eins og miklar famelí konur og vantaði bara barnastólinn aftur í. Nú svo var aðalfundur hjá Nemendafélaginu við HA og vorum við að reyna að lokka þau með inngöngu í BÍSN, sem tókst en munaði ákaflega litlu eða aðeins einu atkvæði. Erum við einkar ánægð að fá þau þar sem HA er náttla ríkisrekinn háskóli sem ætti að koma sem mótvægi á sjálfseignaskólana sem eru nú með meirihluta í stjórninni hjá okkur. Eftir fundinn var haldið á djammið sem var mjög skemmtilegt fyrir utan nokkra sveitta gæja (chewy og sjúskí) sem við Gudda reyndum mest megnis að forðast. Enduðum so dauðþreyttar upp á hótelherbergi... ég steinlá strax en Gudda beint í míníbarinn í snakkið. Vöknuðum so eldhressar í dag og út að borða á Greifann. Maður verður nú eiginlega að fara á Greifann þegar maður kemur norður jah nánast skilda .. allavegana ef ekki Greifann þá Bautann. Eftir gott át var tekinn rúntur og svo í flug. Hin sem voru með okkur frá BÍSN horfðu á eftir okkur öfundaraugum þar sem þau áttu sjálf eftir að keyra heim... ha ha ha!!!

Eins og ég segi nóg að gera... nenni bara ekki að ræða það meira ;)
Heyrumst

2005-04-05T09:32:00.000Z

Ákvað að kasta inn einu bloggi.

Margt og mikið að gerast. Páskarnir voru ferlega fínir. Líney systir var heima alla páskana og gekk búskapur okkar systra vel. Matarboð framundir morgun og næsta tók við sama kvöldið. Gyða bauð í læri og var það alveg svakalega flott hjá henni. Það endaði auðvitað með djammi. Nú svo var tekið frí á laugardeginum og páskarnir kláraðir almennilega á sunnudeginum. Við stelpurnar og þó sérstaklega Jóhanna eiga heiður skilið fyrir gott djamm.

Svo er búið að vera brjálað að gera í stúdentapólitíkinni og er enn! úff púff og norður eina nótt næstu helgi. Maður má ekki einu sinni vera að því að vinna.... hvað þá að blogga því nú þarf ég að hlaupa og vinna smá. Vildi bara láta vita að ég væri enn á lífi

2005-03-27T10:40:00.000Z

Ég vil óska öllum

Gleðilega páska

Það ættu allir að vera svaka hamingjusamir í dag eftir páskaeggjaát þar sem súkkulaði hefur áhrif á serótónínmagn heilans.
Ég vildi að ég gæti sagt ykkur málsháttinn sem ég fengi í mínu eggi... en það virkar ekki þannig þar sem bróðir kær hann Baddi (ekki lengur svo kær;) tók upp á því að fela eggið og neitar að segja hvar það er. Hlölli gerir nú ekki svoleiðis enda er Baddi búinn að fá sinn málshátt sem er: Oft er vit í vænum haus. Baddi skilur ekkert í fýlu Hlölla og benti bróður sínum kæra(ekki lengur svo kær;) á að það hjálpaði að skrifa í dagbók... lít svo á að bloggið flokkist undir dagbókaskrif og það sé sáluhjálp í því :) ahhh... líður miklu betur

2005-03-24T17:03:00.000Z

Máttlaust blogg

Eins og titillinn gefur tilkynna þá er ég hér með að kvarta yfir eigin bloggslappa. Það er eins og með eigin slappleika þá hafi gripið mig bloggdeyfð. Og nú þar sem ég er aðeins minna slöpp þá ákvað ég að bæta úr slappa blogginu og blogga. Ekki misskilja mig, þið eða ég eruð svo sem ekki búin að missa af neinu, ekki mikið búið að gerast. Líney systir eða Baddi bróðir er mættur á svæðið og er búin að standa sig í djamminu sem er meira en bróðirinn getur sagt. Sjonni frændi og Lovísa frænka hafa verið í heimsókn. Við fórum einmitt saman í fermingarveislu á sunnudaginn þar sem skápabbinn voru eiginlega 2 menn því bæði voru þeir litlir og litu eins út að mamman sagðist sjálf eiga erfitt með að þekkja þá í sundur ;) Nú svo er ég búin að fara í myndatökuna sem var hálfpartinn eins og aftaka því maður var svo hryllilega stífur fyrir framan myndavélina. En þetta hófst allt og ég vandist því að heyra "gott svona" "góður svipur" o.s.frv. frekar fyndið eftir á. Get nú ekki sagt að ég hafi verið sérlega vel upplögð fyrir þetta shoot eins og sagt er á fagmálinu því fyrir utan horið (þá á ég ekki við kg ;)) þá svaf ég lítið um nóttina þar sem bróðir minn var sannfærður um að það væri verið að brjótast inn og vakti stóra bróður til að vernda sig. Náttla mesti misskilingur þar sem mar er nú engin Magga Tönn. En ég hafði þó rænu á að stoppa brósa í að hringja í lögguna því í ljós kom að enginn var á ferðinni en við höfum enn ekki fundið út hvaða læti þetta voru sem hún heyrði sem gerðu hana svo vissa.
Í kvöld er svo grillveisla og hugguleg heit í Heiðabænum. Pétur Björn og Siggi verða grillmeistararnir. Pétur er meira að segja búinn að kaupa á grillið þannig eina sem ég þarf að gera er að leggja á borð.... haldið það sé ekki lúxus að halda svona boð!

2005-03-17T19:37:00.000Z

Mar er loksins að verða Celeb!

Já ég segi það og skrifa ;) nei bara bull. En það nýjasta nýtt er að ég á að vera ,,andlit'' Símaversins. Sem þýðir að ég á að mæta ein í myndatöku eftir helgi þar sem ég ásamt öðrum borgarstarfsmönnum eiga að vera í auglýsingarherferð fyrir Reykjavíkurborg. Þetta á að vera auglýst í blöðum og svo held ég að það eigi e-ir að lesa inn auglýsingar hvort það sé í sjónvarpi eða bara útvarpi ekki alveg viss. Allavegana maður á að reyna að vera myndarlegur... sjáum til hvernig það tekst upp, ekkert sérlega hrifin af myndarvélum. En fyrst var ég voða skeptísk á þetta, leist ekkert á þetta! En svo vandist tilhugsunin le model ;) og ég ákvað að slá til. Þannig Reykjavík here I am....

2005-03-16T16:24:00.000Z

Það er nóg að gera!

Nú er ég að vinna ritgerðaspurningar fyrir bókina Pigs in Heaven... gengur ekkert alltof vel og skila á föstudaginn. En ég hef eiginlega bara tíma í dag. Nú svo er búið að vera stöðugt bögg frá kennaranum sem sér um lokaverkefnið mitt (okkar). Hann hringir orðið jafnt og þétt yfir daginn til að athuga hvernig gengur o.s.frv. Mestur tími fer nú reyndar í heimspekilegar umræður sem tengjast lokaritgerðinni mjög takmarkað. En hann lofaði nú að láta mig vera framyfir helgi. Við sjáum nú til í sambandi við það, hann sagði það nú líka síðast og ég fékk fjögur símtöl sama dag! Nú svo í gær þá var síðasti tími dagsins einmitt í fagi hjá honum og við ákváðum að halda smá fund eftir hann. Nú þegar ég loksins sagðist ætla að fara að koma mér þá fannst honum það ómögulegt. Ég hafði nefninlega ropað út úr mér að ég væri að fara í matarboð rétt fyrir sjö. Þá hélt hann sko að ég ætlaði að fara heim að snyrta mig og fannst því ómögulegt að ég færi. Ég reyndi nú að þræta fyrir það, þar sem aðal ástæðan var nú reyndar að gera klára umsókn mína í framhaldsnámið. Þannig ég endaði með því að koma heim rétt fyrir sex. Rétt svo að ná að klippa út myndina sem fylgir umsókninni og bruna svo heim til Jóhönnu. Nú já matarboðið... alveg hreint frábært, magnað og öll þau lýsingarorð! Maturinn var svo góður. Það var þríréttað og þvílíkur lúxus.
Þannig var nú mál með vexti að ég hitti vinafólk Jóhönnu um helgina, alveg hreint yndislegt og skemmtilegt fólk og þá var mér boðið í matarboð hjá bróður vinkonu hennar Jóhönnu. Fernando eldaði matinn (það er vinur Stefáns, bróðirinn sem sagt!). Fylltur tómatur, kjötréttur og ís í eftirmat. Ekkert smá gott! Síðan var setið og spjallað og sagðar sögur...alveg hreint yndisleg kvöldstund. Svo var strax við matarboðið farið að plana næsta boð, ekki amalegt að vera boðið þangað og líka ekki amalegur félagsskapur ;)

2005-03-13T10:24:00.000Z

Mikið svakalega var þetta gaman!

Var á árshátíð í gær sem haldin var í ráðhúsinu fyrir starfsmenn ráðhússins. Við vorum þarna gellurnar í símaverinu og það var svo gaman hjá okkur og þetta var svo góður matur... Geggjað, kornhæna, lambakjöt... fyllt súkkulaði muffins þannig að súkkulaðið lak út úr henni og ís með mmm.. svo var borðvínið innifalið og svo þegar kom að því að fara á barinn kostaði einfaldur 250... eins og ég segi gæti ekki verið betra. Við Gudda vorum reyndar í prakkarastuði allt kvöldið. Hún mamma okkar var með okkur (það er ein í símaverinu) og við vorum að leita að pabba eða manni fyrir hana. Hún auglýsti okkur og það var úr að við fundum einn pabba. Reyndar var það nú bara helgarpabbi, sem ætlar að vera með okkur aðra hverja helgi ;) Nú svo vorum við komnar með 2 ömmur og einn bróðir í lok kvöldsins hehe.. klikkað lið! Við vorum báðar svo úber fínar að við vorum í extra stuði og reyndum að halda okkur eins dannað og hægt var. (Kristín hafði lánað mér Karen Millen kjólinn sinn, gegt black number). Ég kallaði svo í Steinunni Valdísi borgarstjóra og hún kom og settist hjá okkur til að spjalla, hún var orðin svo svaka hress eins og rest þarna inni að hún spjallaði og spjallaði, held reyndar að hún hafi haldið að við þekktum hana svaka vel útaf við heilsuðum henni svo kammó. Svo var þarna hljómsveit sem spilaði gömlu rokklögin, eins og hún fengi borgað fyrir það ha ha! En í henni var bekkjarbróðir okkar þannig við urðum nú að vera með smá grúppíustæla svona bara fyrir hann. Enda hafði hann mjög gaman af því og sveiflaði kjuðunum fyrir okkur um leið og við klöppuðum. Jæja, en eftir allar fjölskylduflækjur kvöldsins fórum við Gudda niður í bæ. Þar hittum við Jóhönnu og co og röltum á milli staða. Það var reyndar soldið mikið um raðir en við enduðum á dansgólfinu á Hressó. Skrýtna var að við týndum báðar treflunum (einhverjum ekki ætlað að verða kalt). Síðan eftir að Jóhanna og co voru farin heim þá leið ekki á löngu að dönnuðu píurnar skelltu sér í leigubíl heim... ekkert að eyðileggja kvöldið með einhverri vitleysu, það var of gaman til þess...

2005-03-05T12:07:00.000Z

Gærkvöldið... skrýtið loksins þegar maður drattaðist af stað!

Í gær kíkti ég á Austfirðingaball. Það var voða gaman.... FYRST! þangað til helv. dúkkulísurnar mættu á svæðið og þegar þær luku við sinn flutning tók e-r fornaldar hljómsveit frá Seyðisfirði sem hafði gefið út 1 frægt lag. Þau voru jú ágæt, skildi bara af hverju þetta var ekki flutt í byrjun kvöldsins því þegar við komum inn var svoddan sveitaballastemmari og brjálað stuð þar sem Tommi Tomm og band voru að spila. En þýðir víst ekki að gráta yfir þessu. Við drifum okkur því bara út smá rúnt, ætluðum að kíkja á 22 með Gyðu og co en enduðum á Ölstofunni sem sagt ég og Jóhanna, rest fór á 22. Það var mjög gaman þar... einn karl hélt að ég og Jóhanna værum par og við leyfðum honum barasta að halda það og rugluðum soldið í honum. Síðan var hann alltaf að koma að tala við okkur Logi landsliðsþjálfarinn í fótbolta. Hann var með e-a geisladiska undir höndum sem ég hélt í fyrstu að hann væri að selja, seinna kom í ljós að hann hefði unnið þá.... og þetta var víst "brot af því besta" (ég fattaði ekki fyrst hver þetta væri). Hann var svo sannfærður um það að ég gæti sungið og var að reyna að fá mig til þess, hann myndi sko aðstoða mig við það! Ég hélt nú ekki léti nú ekki plata mig út í svoleiðis vitleysu. Svo mættum við honum aftur þegar við vorum að fara... og hann alveg miður sín þar sem ég var ekki búin að hlusta á lögin með honum! He he... eins og Jóhann komst svo vel að orði þá verður hann héðan í frá kallaður Logi brot af því besta... En já svo um kvöldið fór ég að fá ákaflega dularfull sms! Kannaðist ekkert við númerið og viðtakanda, bara skilaboð um að ég myndi þekkja viðkomandi og bla bla bla... (skil þetta ekki með mig þetta er í 2.skipti á árinu sem ég fæ svona gátu skilaboð!) En já, allavegana svo hélt þetta áfram út í gegnum kvöldið... greinilega e-r sem ætlaði að hitta á mig. En undir rest hafði ég orðið illan grun hver þetta væri... og sagðist því vera að fara á 22 (sem við hættum svo við) og þegar við vorum að labba í áttina að Ölstofunni, hverjum mætum við þá í hóp að fólki að reka alla á 22, nema verkfræðinginn. Ég labbaði fram hjá eins og ekkert væri (kannski höfuðið aðeins sveigt niður ;), en hann tók ekki eftir neinu þar sem stefnan lá beint á 22. Úff hann hafði þá verið að senda skilaboð úr símanum hjá vini sínum en ég var bara fegin að hafa sloppið og hélt uppi góðum lessu leik á ölstofunni ásamt Jóhönnu meðleikara mínum.....
Annars takk fyrir góða skemmtun krakkar :)

2005-03-02T20:34:00.000Z

Það er ekkert smá næs að eiga svona 1 frídag alveg útaf fyrir mig! Reyndar fór dagurinn í að vinna upp verkefni sem ekki hafa verið unnin undanfarið s.s. að þvo og skemmtilegheit. Já og fara með bílinn í viðgerð (ætla ekki að segja drusla því held það hafi slæm áhrif á sjálfsmyndina á playmobílnum). En allvegana á mánudaginn var... svaka skemmtilegur dagur! Byrjaði á því að sofa yfir mig í ræktina og var lengi að öllu allan daginn eða þið skiljið just one of those days. Nú svo loksins þegar ég var tímanleg í seinni vinnuna, þá viti menn... hljóðkúturinn datt undan! Þannig ég var að fara út og rífa pústið af, get sagt ykkur að það var ekki of auðvelt. Leið eins og hálfvita þarna kominn inn í Skerjafjörðinn, stopp á miðri götunni á háhæluðum skóm og í skvísupeysu að rífa púst undan bílnum. Enda var ég ekki hamingjusamur tjaldauppsetjari (happy camper) þegar ég mætti loks í vinnuna, aðeins of seint ;) eins og dagurinn var búin að vera. Ég hringdi beint á verkstæði og fékk ekki tíma fyrir bílinn fyrr en í dag. En ég var voða kammó þarna í símann og hló og grínaðist með þetta o.s.frv. reyna að vera hress, held nefninlega að það virki til að fá afslátt á verkstæði. Maðurinn sagði í símanum að þetta myndi kosta a.m.k. 20 þús alveg upp í 30 þús krónur. Ég náttla urraði soldið þegar ég lagði á! En ákvað svo bara að fara í Pollýönnuleik. Allavegana var þetta ekki á miðri Miklabrautinni þegar þetta gerðist o.s.frv. og eftir þetta leið mér miklu betur. Enda þegar ég kom og sótti bílinn í dag þá kostaði þetta ekki nema 14 þús kall! Sagði ykkur borgar sig að vera kammó og láta muna eftir sér ;)

Annað kvöld er svo árshátíð hjá Tækniháskólanum. Við skvísurnar frá fyrsta árinu í the pink gloves ætlum að skella okkur á ballið. Við erum búin að fara öll árin frá því við byrjuðum í Kennó og því er viðeigandi að fara í ár. Þetta er ekki einungis síðasta Tækniháskólaballið okkar heldur líka síðasta Tækniháskóladjammið almennt þar sem skólinn er að sameinast HR. En það hefur ávallt verið stuð á þessum böllum, enda ekkert leiðinlegt þar sem karlmenn eru í meirihluta í Tækniháskólanum sem er nú ólíkt því sem maður á að venjast í Kennó. Ekki það að það skipti e-u höfuðmáli samt alltaf gaman að hafa þetta blandað ;)

Jæja þá heldur lesturinn áfram.. bókin Pigs in Heaven, sérvalin bók fyrir enskukennaranema :)

2005-02-27T19:12:00.000Z

Veðrið er búið að vera yndislegt og ég vona að það haldist! Af því tilefni dró mín út hjólið og skellti sér á rúntinn í dag. En já, rookey mistake... maður er svolítið fljótur að gleyma! Þegar hjólatúrnum lauk var ég með drullu upp á bak (það vantar nefninlega brettið að aftan) og buxurnar sem by the way ég var að þvo allar í blettum og skálmarnar komin með fallegan skítalit. Ef maður hefði nú verið klár eins og danirnir annað hvort girt sokkana yfir buxurnar eða sett teyju neðst á skálmarnar þá hefði mín verið í góðum málum. En skiptir ekki hjólatúrinn var vel heppnaður og gott að fá ferskt loft :) Já og svo vil ég nota tækifærið og þakka Gölta fyrir að pumpa í dekkin og smyrja keðjuna... aldeilis munur :)

En já... ég var á Árshátíð á föstudaginn sem er svo sem ekki frásögum færandi. Ég var orðin svo stressuð undir lokin, var að vinna til hálf fimm og átti að mæta í partý klukkan fimm, en þetta tókst allt að lokum að vísu mætti mín of seint í partýið en það var allt í gúddí. Þegar kom svo að því að koma sér á Broadway þar sem árshátíðin var haldið fengum við stelpurnar smá panikk attakkk... ætli þeir leiti hvort maður sé með áfengi? Hófst þá mikil brjóstasýning, strákunum til mikillar ánægju. Maður tróð vel inn á brjóstin...enda nóg til að fylla upp í ;) og sjaldan fílað mig jafn vel... brjóstin náðu svo langt fram. Hin Elfan er nú reyndar miklu meiri pró í þessu en nokkurn tímann ég. Hún var búin að setja vín í plastpoka þannig þetta virkaði eins og aukapúðar í brjóstarhaldarann...sona vatnsbrjóstarhaldari. En allavegana eftir alla þessa troðslu, kom svo í ljós að ekki var leitað!
Það skemmtu sér allir vel á árshátíðinni og allir voða glaðir enda margir sem maður hefur ekki hitt lengi. Held meira að segja að kennarinn okkar hafi verið hálf klökkur allavegana var með okkur mest allt kvöldið og manni boðið upp í dans og alles. Síðan hélt ég margar tölur krakkanna mjög til skemmtunar... sem dæmi má nefna töluna 47, 21 10 o.s.frv. Eftir smá tíma voru fleiri farnir að geta haldið tölu og það var oftar skálað.
En segi þetta gott í bili nenni ekki að tala meira um þetta fyrir utan að þetta vor ógggeeeessssllllegggaaa gggaaaaammmmaannn og allir litu Ssooooo vel út :)

síjú!

2005-02-24T19:21:00.000Z

1 dagur í árshátíð..........

;) skál!

2005-02-20T18:49:00.000Z

Tími til komin að maður fari að skrifa eitthvað hérna!

Svo sem ekki margt búið að vera í gangi. Þess á milli sem ég hef ekki verið að vinna þá hef ég verið í skólanum, nú ef ég hef ekki verið í skólanum þá hef ég verið sofandi! Svo spennandi er lífið þessa dagana :)

Ég gerði ekkert af mér um helgina... bara að jafna mig eftir vikuna sem er ágætt... því síðasta föstudag á voru skandalarnir ;)

Það var kokteilboð í vinnunni og þar sem þeir lágt settu kunna sig aldrei þar sem áfengi er frítt þá duttum við kellur og strákur ærlega í það. Það var voða gaman hjá okkur. Ég ásamt Guddu höfðum áður tekið að okkur að kynna fyrir Steinunni Valdísi borgarstjóra hvernig græjurnar virkuðu þarna í vinnunni... sem tókst svo vel að hún allavegan vildi vita hver ég væri o.s.frv. Mar er alltaf að reyna að mingla... Eftir að hafa verið formlegur og sona og allt fyrirliðið farið þá hófst vitleysan. Ég skrapp með kellunum niður þar sem þær voru að reykja og þar rákumst við á Björn Jörund og Guðmund Steingríms. Þeir voru dregnir upp í boðið og þeim gefið að drekka. Þeir skemmtu sér mjög vel! Björn varð líka að svara spurning á borð við "ég hef aldrei skilið þetta með flugvélararnar- hvernig þær verða ástfangnar" Nú eða pikköpp línur á borð við " mig dreymdi þig næstum þig í nótt" Eftir þetta var stefnan tekin á pöbb og þeir lofuðu að vera svakalega duglegir að hringja í okkur þegar við opnuðum. Drykkjunni var haldið áfram og endað á bingókvöldi upp í KHÍ. Við Gudda mættum að vísu í sitt hvoru lagi þar sem hún var upptekin við annað. En báðar skilst mér að við höfum oltið inn og verið langt á undan öllum hinum ... okkur sem fannst við svo temmilegar! En ég þoldi nú ekki lengi við þarna, mar var að sinna öðrum skildustörfum innan fjölskyldunnar. Þannig að pabbi gamli kom og sótti stelpuna sína.. sem reyndi óspart að fá hann til að stoppa í sjoppu því mig langaði so í kók... tókst sko ekki það var barasta allt til heima! sama hvað mér datt í hug þá var það til heima.

Á fimmtudaginn fór ég svo á keilkvöld, það var keppni hjá skólanum. Fór nú bara til að horfa.. hafði nefninlega komið með vinnunni deginum áður á hópeflisdegi og áttað mig á því að ég væri nú ekki sérstaklega fær! En á keilukvöldinum hafði fólk orð á því hversu hress maður hefði verið á síðasta föstudag... púff greinilega verið svaka hress!

En já vikan framunda... læri læri tækifæri og endar á svaka stemmara með árshátíð. Varaform. hjá stúdó á Akureyri var búin að vera að hafa samband og biðja mig um að djamma með sér þar... og auk þess að skrifa aðra grein í moggann... ætla aðeins að sjá til með það!

Nú já svo var Jón Bjarna búin að bjóðast til að halda með mér og Sigga fund um skólagjaldamálin sem á víst að vera í vikunni. Það er því nóg til að hlakka til :)

ojnk ojnk

2005-02-10T13:51:00.000Z

Ógeðslegt veður!

Jæja er mætt á klakann aftur... svo sannarlega klakann útaf það er ógeðslegt veður og snjór og frost. Ég pantaði þetta ekki! Framundan er fyrir utan vinnu kokteilboð í vinnunni. Allir toppar borgarinnar mæta hér í vinnuna til okkar til að skoða (þrátt fyrir okkur finnist nú ennþá vanta upp á nokkuð til að starta þessu). En við eigum víst bara að vera sætar og koma vel fyrir og sannfæra borgarfulltrúa og borgarstjóra að þetta sé frábært framtak (sem það er). Það verður voða gaman að hitta á þetta lið svo sem :)

Svo um kvöldið er svo Bingókvöld hjá útskriftarnemendum. Þetta er s.s. söfnun fyrir Króatíuferðinni og svo fyllerí pa danske made... allt vín verður selt á dönsku verði.

Annars er helgin óráðin.. frí aldrei þessu vant og aldrei að vita hvort maður hangi ekki bara heima hjá sér til tilbreytingar!... eða sjáum til með það ;)

2005-02-08T14:41:00.000Z

Fór og kíkti í skólann í dag...

Þetta var ekki mjög svo spennandi! Þetta er víst nám með vinnu og henni fannst ég nú full ung konan sem ég talaði við.... það er þá í fyrsta skiptið síðan ég kom til Danmerkur ;)

En fyrst þetta var svona mikið crap sem gerði mig pínu leiða... neyddist ég til að fara og bæta mér þetta upp og kaupa nýjar buxur! Mar getur alltaf á sig blómum bætt... og nú líður mér aðeins betur ;)

Æ annars er það bara home sweet home í kveld. Verst af öllu er samt biðin á flugvellinum þoli ekki að þurfa að hangsa á flugvellinum allt í lagi að bíða í vélinni eftir að maður lendir...

see u soon

2005-02-07T01:03:00.000Z

Að lifa djarft

Í þessum töluðu orðum þá á ég að vera á leiðinni út á Kastrup að fara í flug heim. En nei, skyndiákvarðanir (sem ég tek nú stundum)... ákvað að fresta heimför um einn dag! Þá kemst ég í skólann á morgun til að ræða við eitthvað fólk og vonandi að það komi skýrari mynd á námið. Ég vona að Líney hafi verið sama því hún var nú ekki spurð!

Annars er þetta búin að vera standandi fyllerísferð og það var svo slæmt að þegar Líney byrjaði að reyna að pína oní mig rauðvín í gær þá sagði mín nei takk! Sjaldan hef ég flotinu neitað my ass :)

En þetta er búið að vera voða gaman. Ég er nú mest búin að sjá af Köben svona að kvöldlagi og því spurning um að nota daginn til að kíkja niður í bæ og rölta. Við erum búnar að fara á danskt djamm sem var á föstudagskvöldinu eftir að hafa hitt hann Anders Jerner hendes Lineys kæreste kære... sem héðan í frá verður ekkert kallaður annað en Anders Jerner. Virkaði voða vel á okkur (s.s. ég og Sævar sem voru dómararnir). Á laugardagskvöldinu var svo farið á Íslendingaball, Magni og félagar voru staddir í Köben. Við vorum voða dugleg að dansa en svo kom að því að fara að kíkja á e-a klúbba þá gekk það ekki alveg eins vel. Píku-popp á flestum stöðum og svo kannski var maður alveg búin að drekka nóg!

Við systur tókum því daginn í gær frekar mikið mikið rólega og fórum varla úr húsi þá nema til að kaupa ís... en það tók 3 sjoppur til að kaupa rétta ísinn. Nú og svo loksins þegar við vorum komnar með brilljant lausn á leiðanum þ.e. við ætluðum að skella okkur í andaglas þá áttuðum við okkur á því að það dugir lítið að vera bara 2 í því þannig það féll um sjálft sig. Við reyndum að safna liði en skrýtið hvað það voru fáir við á þessum tíma... nú eða staddir á Íslandi. Jæja segi þetta gott í bili og ætla að reyna að koma mér út úr húsi og sjá Köben almennilega að degi til :)

kærlig hilsen
Hlölli grís

2005-02-04T15:52:00.000Z

Heil og sæl,

Já nú er ég búin að vera 2 heila daga í Köben. Við systur eða bræður eftir því hvernig er litið á það, tókum fyrsta daginn í verslunarleiðangur. Skemmtileg versluna þarna Fields ;) við systur héldum að við værum búnar að komast í gegnum mollið á einum og hálfum tíma og ætluðum að fara að tíja okkur þegar við áttuðum okkur á þessum svakalegum mistökum. Við vorum rétt svo að byrja, það voru svo miklu miklu miklu fleiri búðir hinum megin. Bróðir minn sem áramótaheitið hjá var e-ð heilsudæmi keypti sér lóð þegar við vorum “alveg” að fara að fara... þegar við áttuðum okkur á þessum miklu mistökum. Við dröttuðumst því með auka 6 kíló... bara svo við héldum að við værum búnar að versla meira! En þegar heim kom þá vorum við gjörsamlega dauðar en planið var nú ekki að liggja eins og skötur...heldur elda lax og fara í fest ;) Þannig ég steikti lax handa Badda litla so hún og Hlölli yrðu góðir í kvöldið... afbragðs matur! Festen sem tók við var mjög áhugaverð. Danir dansandi upp á borðum við hallærislega/skemmtilega tónlist... s.s. Roxetta og ekki má gleyma baunanum Kim Larsen.
Í dag þvældist ég til að kíkja á skólann sem ég er að hugsa um. Þetta tók nú sinn tíma en með aðstoð KRAK og Guddu sem hringdi akkúrat þegar ég var að snúast í hringi (upplýsingaver rvkborgar) þá bjargaðist þetta. Ég fann nú engan sem vildi tala við mig, enda sýnist mér þetta þurfa vera þannig að maður þurfi að finna skrifstofuna hjá kennurunum o.s.frv. En eftir þennan rúnt út um mesta hluta skólans lá leiðin heim þar sem höfuðverkurinn fór að verða of mikill (kannski skotin í gær, veit eggi). En ég varð nú að stoppa í búðinni á horninu og kíkja á fötin þar... var að verða búin að fara í öll hin... lóðin blekktu svo mikið í gær!
En núna er Baddi bróðir að standa sig í eldamennskunni og er með læri í ofninum. Hún á von á gæjanum (kærastanum) í mat.... so ég geti skoðað hann. Nú svo mér liði nú ekki alveg eins og þriðja hjólinu bauð hún Sævari með! Aldeilis hugulsöm ;) Nú svo vonandi verður kíkt á e-a klúbba þegar líður á kvöldið... mar verður nú aðeins að fá að skoða meira en búðir hehe....

Hej hej

2005-02-03T19:20:00.000Z

Eins og linkurinn sem Sævar benti á.....
á þetta sannarlega við mig ;)

1. HLÖ
The perfect icelandic word.Hlö, er ljós lífsins, samanstendur af H, L og Ö þegar H, L og Ö er raðað í þessa röð myndast fullkomnun, og þeir sem trúa á Hlö eru opnir fyrir skilningi á hinu óskiljanlega
Guy nr1: HlöGuy nr2: Hlö this is how a perfect converstation should start

Bestu kveðjur úr Danaveldi :)

2005-01-29T15:06:00.000Z

Veikindi og ömurlegheit

Það er komin helgi og ekki amarlegt það. Búin að vera að telja niður í hana frá síðustu helgi :) Því það er vægast sagt búið að vera alveg hreint kreisí að gera. En nú þegar fer að verða minna álag á manni þá passaði fínt að ná sér í hita og leiðindi :( Ég kláraði samt daginn í gær með stæl. Kláraði æfingakennsluna og afgreiddi báðar vinnurnar. Þar sem ég er að fara til Köben á miðvikudaginn þýðir lítið að verða veikur - það yrði bara allt brjálað! Ég ætla bara að vera róleg á því í vinnunni um helgina og sleppa öllu djammi. Ég ætla bara að vinna það upp með Líneyju í Köben.

Annars endaði æfingakennslan aldeilis vel. Held að við höfum náð orðið til allra og margir fúlir að ná ekki að klára verkefnin hjá okkur áður en við fórum. Meira að segja gaurarnir sem voru erfaðastir voru svekktir. En þetta var lífsreynsla og aldrei að vita að maður kíki e-rn tímann inn í kennslu þ.e. ef sveitafélögin fara að borga þokkalega.

Annars kom skólablaðið út í gær og svaka geim í tilefni þess. Mér leist ágætlega á blaðið. Ég átti töluvert að efni í því þó að nafnið hafi nú ekki alltaf verið við það (mar er so misteríus) Allavegana komst völvan á forsíðuna og vona að lesendur þess hafi gaman af.

Segi þetta gott úr veikindunum og vonandi fer maður að koma með e-ð djúsí topic á síðuna :)

Mottó dagsins: Ekki gera e-ð í dag sem annar getur gert á morgun.

2005-01-27T17:08:00.000Z

Þetta fékk ég sent frá pabba Hlölla... betur þekktur sem Gölti!

Ég datt inn á bloggið þitt aldrei þessu vant og sá að þú varst að skrifa umstjórnarskrána. Það eru þarna smá villandi upplýsingar hjá þér sem þú þarftað hafa á hreinu. í fyrsta lagi segirðu "Mér skilst að það eigi að takafyrir þrjá kafla." Það er rétt að forsætisráðherra sagði það í skipunarbréfien stjórnarandstaðan hefur mótmælt því og segir alla stjórnarskrána undir.Síðan segir þú "Auk þess var bent á að ef breytingar og þegar breytingar erugerðar á stjórnarskránni þá er hún borin undir þjóðaratkvæðagreiðslu enhingað til hefur henni verið hagað þannig að hún er höfð á sama tíma ogalþingiskosningar sem er svo sem í góðu lagi. En staðið er að kosningunumþannig að þær eru á sama kjörseðli og kosningarnar til Alþingis. Réttar væriað hafa tvo kjörseðla." Þarna gætir misskilnings hjá þér. Atkvæðagreiðslaum stjórnarskrárbreytingar hefur alltaf verið með þeim hætti að kjósa tilþings og ekki greitt atkvæði um breytingarnar sem slíkar. þannig er í veriðað kjósa til þings en ekki að greiða atkvæði um stjórnarskrárbreytingar þvíflokkarnir eru búnir að koma sér saman um þær. Þannig verður þetta líka næstþví það þarf fyrst að setja það inni í stjórnarskrá (fara í þingkosningar)að breytingar fari í þjóðaratkvæði áður en hægt er að framkvæmaþjóðaratkvæðagreiðslu. (svo er óvíst að menn verði sammála um að setja þetta inn)

2005-01-24T23:40:00.000Z

Ég var á mjög svo áhugaverðum fundi í kvöld. Hann fjallaði um stjórnarskránna og þeir breytingar sem fyrirhugaðað er að gera á henni á næsta eina og hálfa ári. Mér skilst að það eigi að taka fyrir þrjá kafla. Það kemur engum á óvart að það á að taka fyrir kaflann sem lítur að forsetanum og skoða stöðu hann. Mér finnst það gott mál að skoða þann kafla sérstaklega enda hefur það verið í umræðunni árum saman, fyrir tíma fjölmiðlafrumvarpsins um hver sé staða forsetans hér á landi. Ég held að þær umræður séu þarfar og mjög gott að hafa þær og breyta hugsanlega lögum ef atriðin eru málefnanleg. Hinsvegar má deila um hvort umræðan verði of pólitísk þar sem að stjórnvöld skipuðu í nefndina þar sem stjórnarskráin á að vera gerð til að vernda hag borgaranna en ekki vernda markaðinn eins og virðist vera stefnan í dag. Auk þess var bent á að ef breytingar og þegar breytingar eru gerðar á stjórnarskránni þá er hún borin undir þjóðaratkvæðagreiðslu en hingað til hefur henni verið hagað þannig að hún er höfð á sama tíma og alþingiskosningar sem er svo sem í góðu lagi. En staðið er að kosningunum þannig að þær eru á sama kjörseðli og kosningarnar til Alþingis. Réttar væri að hafa tvo kjörseðla.
En nú er ég örugglega búin að drepa nokkra úr leiðindum með þessu tali mínu þannig nú skiptum við yfir í léttara hjal. Já, ég klára sem sagt æfingakennsluna á næsta föstudag og þrátt fyrir að ég sé mjög fegin þá er samt pínu leiði í mér þar sem mér var nú bara farið að finnast þetta alveg ágætt. Þegar maður er búin að ná til þessara krakka þá fer þetta að verða "worth a while". Já og svo er það Kaupmannahafnarreisan! Hún verður að vísu mjög stutt... en ég fer! Hlakka mjög svo til. Efast ekki um að við systur eigum eftir að geta málað bæinn rauðan nú ef það tekst ekki þá málum við bara hvor aðra (lélegur djók!). Annars gengur allt vel. Nýja vinnan leggst vel í mig og hlakka til þegar það verður komin einhver festa á hana þ.e. maður geti farið að vinna og hætt að sækja námskeið. Nú svo er ég enn að spá í næsta haust, hvað maður eigi að taka sér fyrir hendur. Endilega ef þið hafið e-ar tillögur um það, þá eru þær vel þegnar! Virðist ekki geta ákveðið mig hvort ég eigi að halda mér á landinu eða stinga af aftur... jæja en nóg um mig ;)

Er farin í bælið.... klukkan orðin alltof margt og maður þarf sinn bjútí slíp :)

2005-01-21T21:08:00.000Z

Nú er ég loksins búin að sjóða saman í greinina fyrir skólablaðið og já svara lesendabréfi mínu ;) ætla að birta hana hér endilega setjið út á (ekki stafsetningu.. nennti ekki að laga!) ég hef enn sjens á að laga ef þið sjáið e-r stór göt :)

Samráð Háskólanna

Í Morgunblaðinu og Fréttablaðinu hafa á undanförnum vikum birst greinar eftir rektora háskóla landsins. Allar eru þær á svipuðum nótum að rukka eigi stúdenta um skólagjöld til að efla háskólanna og háskólasamfélagið á Íslandi. Það sem mér finnst ákaflega sérstakt er að rektorar háskólanna kjósa að koma allir fram á sama tíma með þær hugmyndir að koma eigi á skólagjöldum við íslenska háskóla. Þetta minnir óneitanlega á samráð olíufélaganna um verðákvarðanir. Sátu þeir allir saman á fundum, tókust í hendur og ákváðu að nú skildu nemendur fá að borga? Spurning er hvort ekki ætti að kalla til samkeppnisráðs vegna þessa. Á meðan nemendur börðust gegn hækkunum skrásetningargjalda þá beittu rektorar skólanna sér fyrir þeim og óskuðu jafnframt eftir að tekin yrðu upp skólagjöld við ríkisreknu háskólanna. Er sultarólin það hert að rektorar sjái ekki fram á að reka megi skólanna án aukinna útláta úr vösum stúdenta. Finnst þeim í alvöru að það sé þeirra hlutverk að hafa skoðun á því hvernig afla eigi fjár til skólanna eða er þetta undirlæguháttur við stefnu núverandi ríkisstjórnar. Þetta eiga að heita ríkisreknir skólar og það getur ekki verið hlutverk rektoranna að mæla með skattlagningu á nemendur. Þar að auki virðis núverandi ríkisstjórn fullfær um að útbreiða þá stefnu sína að taka eigi alla þá samfélagslegu þjónustu sem borgarar greiða með skattpeningum sínum og færa yfir á hinn almenna borgara í formi þjónustugjalda.
Á Alþingi rétti fyrir jól var,eins og allir vita, samþykkt hækkun á skrásetningargjöldum nemenda við ríkisháskólana. Þessar hækkanir voru rökstuddar með því að skilgreina “nákvæmlega” hvað félli undir gjaldtökuna. Í gjaldtökunni felst m.a. kostnaður við það að nemendur þreyta próf. Vakti þetta furðu, ekki síst okkar nemenda við Kennaraháskólann þar sem vaninn er að notast við fjölbreyttar leiðir við námsmat. Ekki er einungis notast við hefðbundin próf heldur er töluvert um símat og annars konar matsaðferðir. Þessu til viðbótar má nefna að stór hluti nemenda á lokaári grunnskólabrautar þarf aðeins að taka eitt próf á því skólaári.
Þar sem þessi hækkun á skrásetningargjöldum var samþykkt og útlistuð í lögunum er mál til komið að gefnar verði skýringar á því hvaða kostnaði skólagjöld standa undir, ekki síst í ljósi þess að Lánasjóðurinn lánar vegna skólagjalda en ekki vegna innritunargjalda. Menntamálaráðherra hlýtur að verða að skilgreina skólagjöld svo bera megi saman hvað nemendur eru að borga.

2005-01-18T17:39:00.000Z

Nú er ég byrjuð í nýju vinnunni og lýst aldeilis vel á. Þetta eru hressar kellur og auk þess einn strákur. Vinnan byrjar á alls konar áhugaverður og ekki áhugaverðum námskeiðum um stjórnkerfi borgarinnar. Við eigum að vera með allt á hreinu hvar allt er að finna og geta svarað öllu milli himins og jarðar sem viðkemur starfsemi innan borgarinnar.

En í dag var alveg frábært námskeið. Það var verið að kenna okkur á vefsjá Reykjavíkurborgar. Þessi vefsjá er hreinleg snilld. Inn í þessum grunni eru loftmyndir af allri Reykjavík, hringmyndir af gatnamátum. Auk þess upplýsingar um friðuð hús, lagnir hvort sem er vatns- eða rafmagns... jú just neim it! Alveg hreint ótrúlegur fróðleikur á einum stað og rosalega gaman að leika sér. Tala nú ekki um fyrir fólk sem er að læra eitthvað tengt s.s. einhvers konar verkfræði. Allavegana ég læt slóðina fylgja með og endilega fiktið ykkur áfram, það fylgir meira að segja kennsluforrit með þessu... bara ekki gleyma þegar þið eruð búin að velja aðgerð að ýta á takkan endursetja ;)

Slóðin: Borgarvefsjá

Bestu kveðjur,
Hlölli!

2005-01-15T16:50:00.000Z

Seiðandi Salsa

Nú er ég farin að lifa hættulega ;) Skellti mér í salsa í Baðhúsinu í morgun með Gyðu vinkonu. Huhumm... get nú ekki sagt að maður sé sú færasta á svæðinu. Jú maður náði samt smá takti og svei mér þá ef mjaðmirnar voru ekki farnar að snúast í nokkra hringi þegar leið á tímann. En mjaðmirnar eru sko ekki nóg... þá þarf að bæta öxlunum við og hrista þær fram og til baka. Og jih minn eini maður var í speglasal! Gat ekki annað en brosað út að eyrum þegar ég fylgdist með sjálfri mér og horfið svo á kennarann... leit ekki alveg eins út! En Gyða, hún stóð sig eins og hetja. Greinilega smá latínó í henni ;) Eftir að hafa hrist skenkana og kíkt í tækin þá var skellt sér í pottinn. Það var voða voða voða voða huggó! Verra var að ég ætlaði barasta ekki að komast upp úr honum. Eftir þetta var hættuförinni haldið áfram niður í „Maður lifandi“ sem er matsölustaður og heilsubúð staðsett í Borgartúninu. Þar fengum við okkur e-ð lífrænt og duttum inn í hillurnar sem voru fullar af e-u sniðugu. Mæli eindregið með matnum og já búðinni líka ef maður er að huga að heilsunni. Líka fínt að fá hugmyndir þarna ef maður vill e-ð breyta matnum hjá sér. T.d. er tofu mjög sniðugur kostur fyrir þá sem vilja prótein og ekki alltaf að kokka kjöt og alls konar baunir sem hægt er að nota í staðinn til að spæsa upp í matargerðinni. Nú fyrir þá sem ekki hafa smakkað hummus... namm! þið vitið ekki af hverju þið eruð að missa. Endilega spáið í þetta og prófið e-ð nýtt.

2005-01-14T20:16:00.000Z

Ég dæsi nú bara í lok viku

Ég er búin að vera á fullu alla vikuna. Byrjuð að kenna eins og ég hef minnst á. Þetta gengur svona la la. Maður er að reyna að troða e-u inn í hausinn á þessu liði en þau eru misjafnlega móttækileg, gaman af því. Síðan er búin að vera vinna alla daga fyrir utan einn, ræktin alla morgna (plús smá auka spinning sem er frábært til að vekja mann eftir hádegi, mæli með því!) og þess á milli að skipuleggja kennsluna þannig maður hefur varla haft tíma til að hugsa, maður er bara! Framundan er enn meiri kennsla og verkefni, þarf að dröslast til að skila inn greininni í skólablaðið og að leika völvuna í blaðið. Já maður verður nú að spá fyrir þessu Kennó liði. Spái þeim allavegana ekki peningum, jah nema einhverjir vinni í Bingóinu á Skjá einum. Ég þarf sem sagt að strjúka rykið af tarotspilunum og koma bullaranum í gang. Fraumundan eru ekki sérstaklega spennandi tímar... vinnuhelgi á báðum vígstöðum (þ.e. vinna og skóli). Já og ekki má gleyma að nýja vinnan byrjar á mánudaginn og eins gott að standa sig þar. Er að spá í að fara að ráða mér ritara. Þá get ég talað verkefnin o.þ.h. og hef einhvern til að koma þessu á blað. En segi þetta gott af sjálfsvorkunarpistlinum, efast ekki um að það sé brjálað að gera hjá öllum það er þessi tími ársins -allir ætla að slá í gegn.

2005-01-10T20:17:00.000Z

ÁSKORUN

Box (bootcamp) á mánudagsmorgun

Kl. 06:30

Hjá Hnefaleikafélagi Reykjavíkur

Faxafeni 8

koma svo... mæta!

2005-01-10T13:12:00.000Z

Þetta er nú meira... þetta unga fólk eða þannig ;) Var að byrja í æfingakennslu í dag. Hóf daginn með 7. bekk. Já það eru gelgjur! Hélt einmitt að þetta yrði svona þægilegt svona eins og miðstigið getur verið. En nei maður þurfti að vera ógeðslega leiðinleg og láta þessa krakka grislinga finna fyrir þessu. En þar sem maður er svo ungur í anda enn og já jafnvel bara ungur þá man maður alveg hvernig maður var. Maður varð náttúrulega að testa þessa kennararæfla hversu lengi þeir voru upp á háa séið. En já einungis fjórar vikur eftir hehe.. þetta verður bara gaman.
Ég átti fríhelgi, aldrei þessu vant og naut þess til hins ýtrasta. Afslöppunin frá djamminu fór nú reyndar ekki alveg eins og átti að fara. Var nú reyndar á bíl alla helgina en var samt ekki komin í rúmið fyrr en undir morgun. Lenti í ákaflega sérstöku nú og skemmtilegu partýi á laugardagskvöldinu. Frá því að fara úr rólegheitum heima hjá Gyðu í innflutningspartý til Everts í stelpupartý heim til Klemma og þaðan átti leiðin að vera heim... en fór og sótti Guddu til Sóleyjar (sem var einmitt að rukka um blogg gjörrsovel ;) ) Þar voru þær stöllur komnar langt í 2. flösku á rauðvíni og orðnar so helv. hressar. Skímó hljómaði...aftur og aftur og skipst var á sögum um verstu kærastana eða gaurana. Reyndar mjög svo áhugavert. Mér leikur hinsvegar forvitni á hvort strákar fara í gegnum svona líka. Sitja yfir bjór og ræða hver kom illa fram við hvern o.s.frv. Við stelpurnar fáum reyndar mjög svo mikið út úr þessu, styrkjum böndin o.s.frv.
Jæja ætla að láta þetta nóg um allt og ekkert.... halda áfram í spelt bakstrinum! Já endilega komið og kíkið í kaffi á nóg af spelt brauði (svaka hollt) búin að vera þróa þetta í bökunarvélinni asskoti gott!

2005-01-05T13:46:00.000Z

Það er ekki hægt að kvarta yfir leiða í liðnu jólafríi. Félagslífið búið að vera aktívt og strembið prógramm þar. Nóg er búið að vera að gera í vinnunni og enn eykst álagið þar en loksins helgarfrí framundan. Nýja vinnan hefst 17. janúar þannig maður sér fyrir endann á þessu. Ég er farin að vakna aftur kl 06 á morgnanna til að mæta í ræktina og get sko sagt ykkur að það er ekki eins auðvelt og mig minnti. Svo sá ég auglýst í blaðinu í dag box hjá Hnefaleikafélagi Reykjavíkur og er að hugsa um að plata e-a með mér í það. Held það geti verið flott að breyta til og örugglega rosalega gaman og þvílík útrás.
Æfingakennslan fer að byrja von bráðar en sem betur fer var maður duglegur fyrir jól og það er allt klárt í hana meðan flestir eiga eftir að gera kennsluáætlun... þá er ég búin!

Annars var ég að hlusta á fréttirnar í hádeginu um hækkanir á fasteignamati og afleiðingar þess. Mjög svo athyglisvert að fólk er farið að greiða fasteignamat af skuldunum sínum þ.e. 100% lánum. En í morgun á leiðina í ræktina var ég að hlusta á e-a spákonu einmitt tala um að þessi 100% lán ættu eftir að valda miklum erfiðleikum hjá fólki og margir að missa íbúðina. Ég held að maður þurfi nú ekki að vera neinn spámaður eða spákona til að átta sig á því að það er alltaf risky business að taka 100% lán upp á háar fjárhæðir. Á meðan bankarnir henda út lánum á "gjafprís" biðja verkalýðsfélögin fólk að halda aftur að sér. En hver hlustar á svoleiðis þegar maður býr í samfélagi sem kallar á að maður eigi allt og miklu meira til. Það er nú líka svo mikil hagsæld hérna.... með allt erlenda vinnuaflið og þó!

2004-12-31T13:12:00.000Z

Gleðilegt og farsælt komandi ár!

2004-12-30T13:47:00.000Z

Nú fer að koma að lokum þessa árs. Ýmislegt búið að ganga á og margir að spyrja sig hvað hafi staðið upp úr. Ég verð nú samt að segja að þetta hafi verið með skemmtilegri árum... og vona að það sé bara betra framundan. Það helsta í fréttum er að ég byrja í nýrri vinnu á nýja árinu. Já þjónustuver borgarinnar fer að opna og ég verð með fyrstu starfsmönnum þess. Það verður gaman að taka þátt í uppbyggingunni og svo fer maður á heljarinnar námskeið til að læra að vera sem almennilegastur. Gudda fékk líka vinnu þarna... náðum að makka okkur báðar inn, sem kemur sér ákaflega vel þar sem við erum nú saman með lokaverkefni.
En áramótaheitin maður þarf víst að strengja þau... Ég þarf að hugsa það nánar enda viðburðarríkt ár framundan og spurning um að setja sér raunhæf markmið. Það fer að koma að útskrift og að maður þurfi að velja nýja leið. Hvort maður hangi hér heima eða skelli sér erlendis í nám. Púff, þegar stórt er spurt er oft fátt um svör!

2004-12-24T09:07:00.000Z

Gleðileg Jólin!!!

Þakka allt það gamla og góða á árinu sem er að líða

Hafið það sem best yfir hátíðirnar

2004-12-22T05:39:00.000Z

Senn líður að jólum!

Já, þau eru næstum hér og fólk að verða brjálað í innkaupunum. Það er erfitt að komast ofan úr Árbæ og úr vinnuna á tímum sem áður var rennifæri eru nú umferðarraðir... allir á leiðinni í Kringluna! Ekki það að maður taki ekki þátt í þessu og svo sem fyrsta skipti sem ég fíla mig mjög vel í þessu ekki lengur svona týnd að vita ekki hvar ég eigi að vera um jólin, ekki að bruna upp á Skaga og aftur til Rvk til að fara í vinnu.
Annars er búið að vera nóg að gera... aðallega í djammi, já maður hefur sannarlega tekið sig á! og ekkert verið leiðinlegt. Helst ber að nefna Jólaballið í skólanum og partýið á undan því. Ég tek það sérstaklega fyrir því að ég mæli eindregið með að fólk prófi Singstar í svona partýum. Það skiptir engu máli hvernig fólk syngur og eiginlega bara skemmtilegra eftir því sem fólk syngur ver! En ég vann nú samt eitt lag, maður klikkar audda ekki á gyðjunni Madonnu með Like a Virgin! En allavegana eftir þetta partý var brunað á ballið á Hverfis, við mættum nú frekar seint. En skemmtilegt var að Hrafnhildur varaform. HA ákvað að kíkja með okkur. Við stóðum okkur einkar vel á barnum við tvær og fórum svo á gott flakk. Ég held þetta verði endurtekið aftur, með aðeins færri skotum... púff! Á laugardagskvöldinu var svo farið út að borða með BÍSN liðinu og var það mjög svo notaleg stund og héldu sumir áfram undir morgun á meðan aðrir fóru snemma heim ;)
Framundan eru notalegir tímar í vinnu og heimafyrir. Er að lesa ákaflega spennandi skáldsögu um endurfæðingu Krists, á vel við á þessum tíma árs. Annars hlakka ég bara til að sjá hvað nýtt ár ber í skauti sér! Segjum þetta gott í bili af öllu og engu.

2004-12-11T08:56:00.000Z

Frumvörpin um hækkun skrásetningargjalda fóru í gegn!

Búið er að samþykkja á alþingi að hækka skrásetningagjöldin við ríkisháskólanna upp í 45.þús. Þetta er leiðin til þess að koma á skólagjöldum hægt og bítandi. Þessi tala á bara eftir að fara hækkandi og svo verður farið að lána fyrir þessu og síðan verða þetta kölluð skólagjöld. En við erum nú ekki alveg að baki dottin. Við Siggi ætlum að eiga fund með Jóni Bjarnasyni alþ.m. fyrir jól og hann ætlar að ráðleggja okkur með bréf sem við ætlum að senda umboðsmanni alþingis. Fá almenninlega úr því skorið hvað flokkist undir skrásetningargjöld!
Annars er það helst að frétta að allavegana fóru póstsendingarnar í taugarnar á mörgum t.d. var Páll Skúlason alveg brjálaður og tók háskólaráðsfulltrúann sinn á eintal vegna þessa máls. Ég vil líka þakka stjórnarandstöðunni sem svöruðu flestum bréfunum sem bárust á meðan hinir létu sem þeir höfðu ekki fengið neitt.
Greinin sem við Hrafnhildur skrifuðum birtist í mogganum í dag... því miður aðeins of seint ( en ekki að vænta annars þar sem við erum að tala um moggann) en þetta ætti þó að minna stúdenta á hvað búið er að ganga á og hver raunverulegi ásetningurinn er á bak við skrásetningargjöldin þ.e. að þjónustan muni ekki aukast heldur er þetta hrein tekjuöflun ríkisvaldsins fyrir skólanna.
Jæja búin að blása út.............. lofa að verða gleðilegri næst ;)

2004-12-09T13:38:00.000Z

Alþingi seint að kvöldi

við Siggi fórum niður á alþingi um 23 leytið í gærkvöldi til að fylgjast með umræðunum um skrásetningargjöldin. Mjög líflegar umræður voru þrátt fyrir að þingmenn voru úr sér keyrðir enda búnir að standa vaktina frá því árla morguns. Gaman var að heyra að þingmenn stjórnarandstöðunnar vitnuðu í greinagerð okkar Sigga. Einnig vorum við nefnd á nafn 2-3 sinnum. Jón Bjarnason þingmaður kom sérstaklega upp á palla til að ræða við okkur og svo þegar umræðum lauk kíkti Kolbrún Halldórsdóttir á okkur. Hún var mjög svartsýn og sagði að hækkunin myndi fara í gegn. En hvatti okkur til að láta heyra í okkur.

Dagurinn í gær var mjög erilsamur en jafnframt skemmtilegur. Við undirbjuggum auglýsingu sem birtist í fréttablaðinu í dag. Jafnframt undirbjuggum við og gerðum kláran textann sem fór í fjöldapóstsendingarnar sem hófust formlega í gær og á að fara á þingheim, ráðuneyti og rektora. Í morgun sendum við Siggi út fréttatilkynningu um málið og stuttu seinna sendum við út frá okkur greinagerðina. Ég hvet alla til að taka þátt og láta nafn sitt á undirskriftalistann inn á www.student.is/motmaeli og að senda sem flesta pósta. Þó að hækkunin fram að ganga þá þýðir það að næst verður ekki gengið fram hjá okkur og við höfð í ráðum ef gera skal breytingar á e-u í ríkisháskólunum.

2004-12-07T15:57:00.000Z

Það var áhugavert að flétta fréttablaðinu í gær. Þar var að finna tvær fréttir um ákærur gegn ríkisvaldinu. Hjörleifur Guttorms hefur höfðað mál gegn Alcoa, Reyðaráli, Fjarðaráli og íslenska ríkinu vegna álversins í Reyðarfirði. Önnur var að Öryrkjabandalag Íslands ætlar að kæra ríkisstjórnina fyrir brot á samningum (4.árið í röð). Auk þessa eru kennarar að ræða að kæra ríkisstjórnina til Evrópudómstólsins. Humm...það verður áhugavert að fylgjast með hvað kemur út úr þessu.

2004-12-06T15:51:00.000Z

Heil og sæl... Hérna kemur greinin sem á að birtast í mogganum von bráðar. Ég og Hrafnhildur varaform. á Akureyri smelltum í hana!

Hækkun skrásetningargjalda

-forsendur pantaðar

Á Alþingi liggja fyrir frumvörp um hækkun skrásetningargjalda í Háskóla Íslands, Kennaraháskóla Íslands og Háskólann á Akureyri og svipaðar hækkanir liggja fyrir í Landbúnaðarháskólanum á Hvanneyri. Það ætti ekki að hafa farið fram hjá neinum stúdent að hækka á skrásetningargjöldin úr 32.500 krónum í 45.000 krónur sem er tæpra 40% hækkun.

Þorgerður Katrín menntamálaráðherra telur að með því að hækka skrásetningargjöldin og sundurliða þau verði þau gegnsærri og því sé ALLS ekki um skólagjöld að ræða. En frumvörpin eru síður en svo gegnsæ. Þetta er í raun leikur að tölum sem menntamálaráðuneytið pantaði úr hverjum skóla fyrir sig til að rökstyðja 45.000 kr. Leiðirnar sem farnar voru af stjórnendum háskólanna þriggja til að nálgast þessa upphæð voru mjög ólíkar. Skólarnir sýndu mikið misræmi í hvernig þeir reka skólanna. Til dæmis má nefna nemendakerfin, þar er kostnaður mjög mismunandi á milli skóla. Kostnaðurinn í HÍ er þrefalt hærri en í KHÍ og þetta vekur upp spurningar í ljósi þess að sama nemendakerfið er notað í þessum tveimur skólum. Einnig er það áhugavert að enginn kostnaður er áætlaður vegna prófa og vinnu tilheyrandi þeim í Háskólanum á Akureyri en við Kennaraháskólann er áætlaður kostnaður upp á 3000 krónur á hvern nemanda. Það getur varla flokkast undir þjónustu við nemendur að prófa þá, heldur hlýtur það að teljast hluti af kennslunni. Þess má einnig geta að talið til kostnaðar hjá Háskólanum á Akureyri er 3% verðlagshækkun en ekki hjá hinum skólunum og að einugis stúdentar við Kennaraháskólann greiða sérstaklega fyrir mat á umsóknum sínum og þá væntanlega kostnað vegna þeirra sem komast ekki í nám við skólann.

Þetta eru nokkur af fjölmörgum dæmum um að greinilegt er að skólunum var ætlað að nálgast upphæð ráðuneytisins eftir öllum mögulegum leiðum. En hvar er línan dregin? Nemendum í Háskólanum á Akureyri og Kennaraháskólanum er gert að greiða sérstaklega fyrir auglýsingar og kynngarefni frá skólunum er upphæðin hátt í 2000 krónur á hvern nemanda í Háskólanum á Akureyri. Þetta verður að teljast mjög óeðlilegt. Vafasamt er að álíta auglýsingar eða námskynningar vera þjónusta við nemendur á nokkurn hátt.

Til að sýna fram á fáránleika þessarar talnaleikja sem menntamálaráðuneytið notast við til að styðja frumvörpin má benda á að þegar stúdentar við Kennaraháskólann og Háskólann á Akureyri fóru þess á leit að fá sundurliðun á skrásetningargjöldum, fengu þeir þau svör að útkoman væri nærri 45.000,- kr. en það hefði aldrei verið sundurliðað áður hvað eytt væri í einstaka liði. Það er því ljóst að ósk um sundurliðun kom frá menntamálaráðuneytinu til að reyna að réttlæta hækkunina.

Það má þó þakka ríkisstjórninni það að þetta varð tilefni til þess að fulltrúar stúdenta við ríkisháskólana, Kennaraháskóla Íslands, Háskólann á Akureyri, Landbúnaðarháskólann á Hvanneyri, Tækniháskóla Íslands og Háskóla Íslands ákváðu að hittast til að huga að sameiginlegum hagsmunum. Þessir skólar eiga það jú sameiginlegt að rekstur þeirra er að mestu fjármagnaður með ríkisstyrkjum og skrásetningargjöldum sem nemendur greiða. Á fundinum var rætt um að samstaða yrði að ríkja á milli þessa skóla til að koma í veg fyrir að skrásetningargjöldin yrðu hækkuð einu sinni enn og standa vörð um hag nemenda í þessari árás menntamálaráðherra á stúdenta í ríkisháskólunum. Samþykkt var að fara í sameiginlegar aðgerðir, til að gera þingmönnum grein fyrir alvarleika málsins. Hækkun skrásetningargjalda grefur undan þeim megingildum í samfélagi okkar um gjaldfrjálsa almenningsmenntun og þar með velferðarkerfinu öllu.

Við heitum á ykkur, stúdentar góðir, að sofa ekki á verðinum heldur vera vakandi og taka þátt og styðja við bakið á stúdentafélögum ykkar í komandi aðgerðum. Ef þetta frumvarp nær fram að ganga hafa skráningargjöld við íslenska rískisháskóla nær tvöfaldast frá árinu 2000! Einnig skorum við á sitjandi ríkisstjórn að falla frá þessum hækkunum. Eru skólagjöld í ríkisháskólunum það sem alþingismenn raunverulega vilja? Eiga stúdentar komandi kynslóða ekki rétt á að njóta sömu tækifæra í námi og flestir alþingismenn hafa fengið? Látum fjárhagsástæður ekki takmarka möguleika til náms, sérstaklega þegar krafa samfélags um menntun verður sífellt meiri og meiri.
Krafan er og verður - sömu menntunarmöguleika fyrir alla.

2004-12-02T21:03:00.000Z

BLOG

2004-11-25T11:42:00.000Z

Bridget eða Samantha?

Ég fór að sjá Bridget í vikunni. Salurinn var að mestu fullur af kvenfólki enda á myndin að höfða til þeirra. Málið við hana Bridget er að hún gerir nákvæmlega það án þess að vera einhver rosaleg klisja. Jú þetta er venjuleg stelpa sem er að berjast við aukakílóin (sem við erum allar sama hvaða stærð við erum). Hún er ástfangin og hún klúðrar því. Sækir í slæma strákinn en tekst að komast yfir hann og vinnur aftur þann gamla. Jú, kannski er þetta nú soldil klisja! En hinsvegar þá virðumst við allar geta lifað okkur inn í þetta. Við getum allar yfirfært einhvern hluta í okkar lífi og kallað okkur Bridget. Frekar leim en soddan er þetta bara og þá líður manni voða vel að geta samsamað sig einhverjum, því maðurinn er nú eftir allt saman félagsvera. Annars skilst mér að Bridget sé að detta úr tísku. Hún er víst ekki nógu sterk og of mikil tilfinningaflækja. Við hennar karakter tekur kona eins og Samantha úr "Sex in the City". Kona sem getur farið á milli karlkynsbólfélaga án þess að tengjast þeim tilfinningaböndum. Þetta er Amerískaleiðin, Bridget er nefninlega bresk! En hvað segir þetta okkur? Jú það er vissulega gott að geta verið óheftur og látið slag standa og vera alveg sama og já njóta! En vantar samt ekki inn í þetta hollt tilfinningalegt samband. Er samfélagið hætt að gera kröfu um að fólk eigi börn og hugsi um þau ásamt maka? Þetta er vissulega allt spurning um gildi og jú hvað við sjálf viljum fá út úr lífinu þar sem við höfum bæði meira val og meiri stjórn. Kannski er pólitík í þessu eins og öllu öðru að einstaklingshyggjan sé líka að taka yfir fjölskyldugildunum? Þetta eru nú bara svona smá hugleiðingar endilega segið mér hvað ykkur finnst...

einstaklingurinn vs. fjölskyldan

2004-11-18T11:15:00.000Z

Jæja kennaraverkfallinu loks lokið bæði einstaklings- og stéttarverkfallinu. Kennarar virðast vera sáttir allavegana sáttari við þetta en að láta Gerðadóm ráða þessu (sem hann fékk nú reyndar ekki). En það eru ekki allir sáttir, nú er titringur í samfélaginu um að hin stéttafélögin knýji fram réttmæta hækkun, en þá á víst allt að fara í vitleysu... þetta prósent hans Dóra átti víst að bjarga einhverju. En svo er bent á að þetta prósent hans Dóra kemur hátekjufólki til góða en ekki okkur hinum.

En það er ekki bara launafólk sem á undir högg að sækja. Nú boða rektorar allra skólanna skólagjöld. Ekki bara rektorar einkaskólanna heldur líka ríkisháskólanna. Þær spurningar sem stúdenta lögðu fyrir rektora á fundinum fannst þeim smávægilegar því breytinga væri að vænta um allan heim. En er ekki hægt að fara aðra leiðir. Við erum smá þjóð og meira segja haldið fram í einu erindinu að við værum ríkasta þjóð í heimi.... greinilega ekki nógu rík samt ef við höfum ekki efni á að mennta þegna okkar! Þeir vilja auka samkeppnishæfni háskólanna hér heima við útlönd, sem auðvitað þarf að gera.
En hvernig ætlum við að halda afburðarnemendum heima? Nemandi getur valið um að fara í annan evrópskan háskóla sem er með svipuð skólagjöld en er samkeppnishæfari og fínni. Það þarf að vera eitthvað hérna heima til að laða nemendur að skólanum já og líka erlenda nemendur ef við ætlum að vera samkeppnishæf.
Einnig vil ég halda fram að við séum ekki svo framarlega á merinni eins og við viljum halda. Ef við berum saman OECD tölur Ísland vs. Norðurlönd kemur í ljós að við þessi "ríka" þjóð eyðum mun minna í háskólana og líka við erum ekki eins "menntuð" eins og við viljum láta.

Ísland Norðurlönd
Framlög til háskóla sem hlutfall af landsframleiðslu 0,8% 1,2-1,7%

Hlutfall fólks 25-34 ára með háskólapróf 27% um 37%

Hlutfall fólks 25-34 ára með framhaldsskólapróf 60% 86-94%

Nú svo hafa fylgjendur skólagjalda haldið því fram að með því að nemendur greiði skólagjöld fara nemendur hraðar í gegnum skólann og kostnaðarvitund þeirra aukist.
Ég held nú ekki að nemendur séu að leika sér að flakka á milli deilda þegar þeir eru að hefja háskólanám. Fólk er á þessum árum að það er að finna sig og fóta sig í lífinu og leita að réttu brautinni. Sem fólk getur ekki gert ef það á að velja "rétt" í fyrstu tilraun. Þetta hefur einmitt verið gagnrýnt í Þýskalandi. Og þetta með kostnaðarvitundina, þá held ég að nemendur geri sér alveg grein fyrir hvað hlutir kosta í dag. Við vitum að lánin eru ekki há og þurfum að fara sparlega með peningin og já vinna með skólanum. Kostnaðarvitund er þegar til staðar vegna þungs náms og fjárhagskragga.

Margir vilja meina að skólagjöld feli í sér að skólarnir hagræði meira og eyði peningunum að meiri varfærni. En hver segir að þetta verði raunin. Gæti þetta jafnvel ekki leitt til þess að núverandi gallar festist í sessi?

Ég er sammála því að það þurfi að auka sjálfstæði háskólanna og styrkja þá í sessi. En að gera það á kostnað nemenda tel ég að sé ekki rétta leiðin... og já, ég tel að það auki stéttarskiptingu og við séum að hverfa til baka um 100 ár þó ég hafi ekkert fyrir mér í þessu nema að vísa í söguna.

2004-11-15T20:51:00.000Z

Ég er stolt af kennurum í dag. Mér finnst þeir sýna mikla dirfsku að mæta ekki í skólana. Ég sjálf, hefði átt að mæta í skólana í dag og hefja loks mitt vettvangsnám. Ég kaus að mæta ekki, því ég taldi það ekki við hæfi að mæta þegar kennarar áttu að koma til starfa nauðbeygðir. Svo varð úr að Kennaraháskólinn frestaði vettvangsnáminu þar til eftir áramót.
Á leiðinni suður í dag (var að koma frá Ak) hlustaði ég á Rás 2 þar sem fólk mátti hringja inn og tjá sig um hvað þeim finndist um þá kennara sem ekki hefðu mætt í vinnu í dag. Lang flestir sem hringdu inn fussuðu og sveiuðu um mannréttindiabrot á börnum, að þeir hefðu ekki lengur samúð með kennurum o.s.frv. En snýst málið ekki einmitt um að það er verið að brjóta á kennurum. Fólk hugsar ekki lengra en nef sér. Ef það væri í sömu stöðu og kennarar í dag þá efast ég um að þeir létu það ganga yfir sig þegjandi og hljóðalaust. Fólk var ekki svekkt yfir að nemendur fengju ekki menntun sem lögbundin er, heldur að það var enginn við í skólunum til að taka við börnunum þeirra og því ætla foreldrar að sameinast um gæslu í skólunum. Þeir mega svo sem gera það mín vegna og vonandi gefur það þeim litla innsýn inn í starf kennarans og átta sig á um hvað verið er að deila. Aðrir hafa nefnt hversu hræðilegar fyrirmyndir kennarar eru að hringja sig inn veika... hvaða skilaboð þeir eru að senda börnunum. Ég held að enginn kennari myndi gera nemenda honum skylt að vera í skólanum ef honum liði jafn ill og kennurum líður í dag. Kennarar eru ekki mannvondir heldur hljóta þeir að vera miklir mannvinir að velja sér það að ævistarfi að mennta náungann. En þegar aðstæður koma upp eins og eru í dag ríkisvaldið gjörsamlega búið að traðka á einni stétt og það virðist vanta skilning á því hvað kennarar eru að gera í dag... er það skrýtið að þeim fallist hendur og liggi heima í rúminu. Ég væri allavegana heima með mjög háan hita!

2004-11-07T19:48:00.000Z

Fór að sjá Línu Langsokk, svaka fínt leikrit og skemmtilegt! En hvenær kemur leikrit um Einar Áskel. Mér fannst hann alltaf svo mikill karakter. Hann var allavegana ekkert blávatn!

2004-11-05T13:07:00.000Z

Miðlunartillaga eða...?

Í morgunblaðinu í dag, á bls. 33 skrifar Alda Áskelsdóttir um hvort eigi að samþykkja eða fella miðlunartillöguna. Í skrifum sínum rekur hún hvaða launahækkanir tillagan felur í sér. Hún hækkar úr rúmlega 186.000 krónum í rúmlega 202.000 krónur árið 2005. En vegna þess að hún missir 3 skólastjórapott þýðir það að laun hennar lækka aftur niður og þegar allar hækanir sem boðaðar eru endar hún með u.þ.b. 213.000 árið 2005. Hún sjálf segir að miðað við verðbólguspár verður þessi hækkun búin að éta sig upp og launin komin aftur í sömu tölu og þau er í núna.
Sem sagt enn og aftur er arðsemi grunnskólakennaranáms engin. Faðir minn sem þekkir vel til launa málmiðnaðarmanna benti mér á að árið 2007 verða málmiðnarmenn upp á Skaga með byrjunarlaun upp á 213.000.
Nú er það bara spurning stelpur að fara að grípa í slípurokkinn og æfa sig. Ég er komin með stóru vinnuvélaréttindin og búin að læra að vinna á slípurokkinn. Það eru nóg störf í boði við stækkun *álversins á Grundartanga og stelpur þetta er ekkert svo slæmt, been there done that!

*ég er samt ekki stuðningsmaður álvera sem virðast eiga að vera bjargvættur alls lífs út á landi.

2004-11-03T18:36:00.000Z

Nú er ég búin að sitja námskeið um hvernig á að biðja/sækja um styrki til fjáröflunar hinna ýmsu atburða. Þetta námskeið sem fór fram á ensku var nú hrein og bein markaðshyggja. Hvernig skildi bera sig þegar maður færi í viðtal, hvernig bréf maður skyldi skrifa o.s.frv. Allt saman einkar áhugavert. Einnig var bent á hvert skildi leita þ.e. hvaða stofnanir maður ætti að tala við og hvaða prógrömm það væru sem eru í boði.

Nú svo kláraði ég daginn á að fínesera ályktunina sem Stúdentaráð ætlaði að senda út á morgun í tengslum við miðlunartillöguna. Aðeins búin að vera í efa með þetta og svo þegar hún var full kláruð var ákveðið að hætta við. S.s. gott mál and maybe risky business!

Siggi er líka búin að sjá til þess að við tvö förum og hittum Kolbrúnu Halldórsdóttur til að ræða menntamál. Ágætis undirbúningur fyrir komandi aðgerðir :)

Síðan er ég að fara að skrifa í skólablaðið grein um innritunargjöldin þannig það er eins gott að maður sé málefnanlegur. Krafan er a.m.k. ein síða ef ekki opna... púff! En ef manni liggur mikið á hjarta þá ætti maður ekki að púffa.

Nú er dagbókarskrifunum lokið! Engar hugleiðingar í dag enda vantar kraftinn, hver sagði að konur hugsuðu of mikið ?

2004-11-01T13:04:00.000Z

Þegar tíminn eltir þig upp

Vegna áskoranna um birtingu á allri sögunni.... hún kemur hér. Er búinn að ræða við höfundinn og er að troða sögunni í skólablaðið. Maður verður nú að auglýsa fyrir vini sína!

2004-10-31T23:42:00.000Z

Nú er ég loksins komin í góð mál útlitslega með síðuna. Það er honum Einari að þakka og kann ég honum bestu þakkir fyrir aðstoðina. Mikið rosalega líður mér betur :) Í kvöld í vinnunni var ég að spjalla við einn skólabróður minn á MSN og komst að þeirri merku uppgötvun að maðurinn er heljarinnar smásagnarhöfundur. Hann leyfði mér að lesa verk eftir sig og svo sem skilst það séu fleiri á leiðinni. Ég mæli með þessum framtíðatrylli ef ykkur vantar lesningu ykkur til ánægju. Hér er allavegana fyrri-hluti (þarf að finna tengilinn á seinni hluta sögunnar). Annars er svo sem ekkert í fréttum nema að helgin var góð og BÍSN formanna fundurinn tókst ágætlega. Það lítur allt út fyrir að miðlunartillaga kennara verði felld. Nú að ógleymdum fréttum að Skeiðará er í alvörunni farin að hlaupa... Magnað alveg hreint. Talið að það hafi byrjaði í fyrra dag en núna sko í alvörunni er komið hlaup ;)

2004-10-28T19:19:00.000Z

Hvað er miðlunartillaga?

já, maður heyrir að ríkissáttarsemjari sé að leggja fram miðlunartillögu, en hvað þýðir það... ef þið viljið vita þá klikkið hér!

2004-10-27T10:11:00.000Z

Kvennabarátta og femínsmi er eitthvað sem virðis ná vinsældum annað slagið líkt og tískubólur. Einn daginn þykir fínt að fjalla um kvennabaráttu og allir fjölmiðlar fjalla um hana en síðan er eins og hún hverfi undir yfirborðið. Það var svo fyrir sirka tveimur árum síðan sem örlaði á opinni umræðu. Margir kváðu og sögðu til hvers? Femínsmi hvað.... puh! rauðsokkur o.s.frv. En mér sýnist ekki veita af í dag að halda þessu á lofti. Hvað sér maður inn á þingi í dag. Karlmenn í meiri hluta og svo leyfa þeir að segja sér að konur velji það að þær vilji bara ekki vera að trana sér fram. Nei aldeilis ekki... Menn hygla mönnum og svo er það nú oftar þannig að konur hygli mönnum, leyfi þeim að njóta sviðsljóssins frekar en að hygla kynsystrum sínum. Nú og ef þingkonur leyfa sér að finna að e-u t.d. skipan Geirs H. Haarde í framkvæmdarnefnd innan fjármálaráðuneytisins þá eru þær hinar sömu sakaðar um málefnafátækt. Þrátt fyrir að það sé til samþykkt um þetta í þinginu. Síðan hvenær hefur það verið málefnafátækt að fjalla um jafnréttismál!
Út í heimi boðar Evrópusambandið kosningar um framkvæmdarnefnd með mann innan borðs sem er á móti einstæðrum mæðrum og samkynhneigðum. Á hvaða tímum lifum við? Sem betur fer hafa þeir frestað kosningum þar sem þingið var ekki sátt. En einungis helmingur þingsins var ósátt... menn eins og Tony Blair kvöttu til kosninga og þá með þennan mann innanborðs.
Nú svo flétti ég Fréttablaðinu og rekst á auglýsingu frá Vísi þar sem fólk er hvatt til að heimsækja heimasíðuna til að svara spurningunni: Hafa konur bara áhuga á málenfum kvenna? Er kvennabaráttan of sjálfhverf? Hvað er að! Ef konur berjast ekki fyrir eigin réttindum, hver gerir það þá? Ekki gera karlmenn það fyrir okkur þótt þeir séu mun meðvitaðari en áður um jafnrétti. En því er hreinlega ekki alltaf fylgt. Kvennalistinn var þarfur flokkur á sýnum tíma... Ég er ekki frá því að það þyrfti aðra eins öfluga hreyfingu til að vekja landann (ég er líka mjög hrifin af hvað femínsmafélagið er að gera) .
Ef ég sný þessu nær mér s.s. skólamálum þar sem karlmenn kvarta og kveina yfir að skólinn sé ekki fyrir þá. Sem má vel vera en ég veit ekki betur en að það voru þeir sem stofnuðu skólann og sniðu hann að sér. En þá líður konum ekki endilega betur við höfum bara í gegnum tíðina lært að þaga og harka af okkur.

Læt þessum hugleiðingum lokið að sinni

2004-10-23T19:14:00.000Z

Jæja það er ýmislegt búið að ganga á þessa dagana. Yfirlýsingin fór loksins út og við vorum tekin fyrir í staksteinum moggans daginn eftir. Fengum frekar neikvæð skot sem ég tel jákvætt í því ljósi að það má þá bara svara þessu. Neikvæð athygli er betri en enginn athygli. Síðan er ég búin að vera á ráðstefnu á Selfossi. Mjög svo skemmtilegir fyrirlesarar þó ég telji nú ekki að það vinnist mikið úr þessari ráðstefnu. M.a. var Þorgerði Katrínu að finna þarna og nokkra unga þingmenn... held þetta hafi nú verið meira snobbráðstefna heldur en hitt. Við Gudda vorum þarna í góðum gír í frábæru herbergi á hótelinu. Allavegana ekkert leiðinlegt að vera í svona fínu herbergi og nýttum við það til hins ýtrasta. Kíktum svo út á Selfossi, en fannst ekkert sérstaklega spennandi á Pakkhúsinu.
Nú svo var hún móðir mín að útskrifast í dag úr Meistaranáminu í Kennó. Ég var því viðstödd þennan merka atburð hennar í dag. Eftir útskrift var boðið í smá kokteilboð. Þar voru rektor og kennarar skólans staddir. Rektor gaf sig að tali við okkur og ég náði að auglýsa rækilega hvað við Gudda erum búnar að vera að makka undanfarna daga ;) Hann var mjög jákvæður í okkar garð og ítrekaði enn frekar á að lokaverkefnið okkar yrði að vera vel gert.
En nóg um mig... Til hamingju með daginn mamma og vonandi verður þetta frábært partý hjá þér í kvöld.
Nú svo var Gyða vinkona líka að útskrifast sem táknmálstúlkur... innilega til hamingju með það Gyða mín.

Segi þetta gott þangað til ég hef e-ð af viti að segja!

2004-10-19T20:24:00.000Z

Yfirlýsing!!!

Þessi yfirlýsing verður sett í fréttirnar næstu daga. Eftir harða viðureign á BÍSN fundi með miklum stuðningi Guddu fengum við í gegn að þessi yfirlýsing verður sett í fréttirnar. Sauð þetta saman í gær, vona að þetta eigi eftir að vekja viðbrögð og umtal í þjóðfélaginu!

Stjórn Bandalags íslenskra námsmanna mótmælir harðlega þeim hækkunum sem fyrirhugaðar eru á innritunargjöldum í háskólana og telur að þetta brjóti í bága við stefnu stjórnvalda um jafnrétti til náms.
Í dag eru námslán það tekjuskert að einungis 10% námsmanna fá 100% lán sem eru 79.500- á mánuði, rúmlega helmingur þeirrar upphæðar 45.500- krónur færu strax í innritunargjöld við fyrstu greiðslu námslána. Innritunargjöld eru ekkert annað en skólagjöld í ríkisreknu háskólunum því skráning er að mestu rafræn og rekstur tölvuvera og annað slíkt er hluti af rekstri skóla eins og t.d.ræstingar og skrifstofuhald.
Stjórn Bandalags íslenskra námsmanna bendir á að stjórnvöldum þykja 40% hækkanir út úr öllu korti þegar rætt er um launahækkanir, en hækkun innritunargjalda um 40 % er hrein tekjuskerðing hjá þeim sem þurfa að greiða þau.

2004-10-16T19:40:00.000Z

Lokaverkefni

Nú er loksins komið á hreint hvert lokaverkefnið er. Það má segja að kennararnir „sláist“ um að vera leiðsögukennarar okkar og mjög svo gaman af því. Amalía sem er aðal aðferðarfræði gúrú skólans mun leiðbeina okkur með gerð könnunar og annað hvort Guðmundur sem er yfir grunnskólabraut eða Ragnhildur sem er yfir framhaldsdeildinni eða nú þau bæði munu leigðsegja okkur með fræðilega hlutann.

En verkefni sjálft er að gera rannsókn/könnun um viðhorf nemenda til framhaldsnáms við skólans sem stendur til að verði 2007. Við munum athuga hverjir hafa áhuga á að halda áfram beint eftir nám og hvernig framhaldsnám nemendur sækjast eftir. Við erum að tala um rannsókn sem þátttakendur verða 500-1000 manns. Ég, Tedda og Gudda vinnum að þessu sameiginlega og munum við ýta þessu úr vör formlega á mánudagsmorgun, enda geggjuð vinna framundan. Gaman að segja frá því að Amalía sagði strax nei við okkur en þegar hún heyrði viðfangsefnið þá kveikti það svo í henni að hún var fljót að segja já svo við bæðum ekki einhvern annan. Þetta verkefni er mjög merkilegt og mun verða notað upp í skóla til að styðjast við í ýmsar skýrslur og verður jafnframt sent í menntamálaráðuneytið. Það er því góður möguleiki að ef maður vinnur verkið vel - sem við að sjálfsögðum gerum, þá ætti maður hugsanlega að fá undanþágu og komast strax inn í framhaldsdeildina. Við allavegana vonum það besta :)

Ég er allavegana gífurlega spennt og hlakka til að leggja mig fram við þetta verkefni.

2004-10-16T18:53:00.000Z

Vandræðalegt

var í spinning í morgun og hjólið klikkaði þ.e. petalinn datt næstum af. Ég reyndi að berja „helvítið“ aftur á enn gekk fyrir ekkert. Síðan fór strákurinn við hliðina á mér að berja á honum líka en ekkert gekk. Ég sá því vænsta kostinn að koma mér á hjól aftast í salnum ef það væri e-ð laust. Ég fann mér hjól og reyndi að koma því fyrir, sótti brúsann og handklæðið af hinu. Ég vissi ekki fyrr en varði að kennarinn, Kiddi(sem ég kannast nú við ofan af Skaga) var búin að hoppa af hjólinu, sótti strákinn sem hafði verið við hliðina á mér og komu þeir gallvaskir og lyftu hjólinu. Þeir báru hjólið yfir hálfan salinn lyftu því yfir þó nokkuð marga hausa. Á eftir þeim labbaði mín hálf vandræðaleg yfir svona mikilli þjónustu. Þeir stilltu hjólinu upp og færðu hitt og mín gat farið að spinna aftur. Allt saman mjög almennilegt nema það ég hefði alveg sætt mig að vera barasta aftast og sleppa athyglinni. Svo sagði Jóhanna mér áðan að hann hefði líka gert heiðarlega tilraun til að laga petalann á meðan ég var að sturðbusast yfir hinu hjólinu. Held ég passi mig næst að velja betra hjól svo maður stoppi nú ekki hálfan spinning tíma aftur! Sem betur fer var ég orðin rauð af hitanum þannig að raunverulegi roðinn sást ekki.

2004-10-15T15:12:00.000Z

Sæl, nú er mín að lesa sér til í hagfræði. Eða eins og maður orðar það economics for dummies. Viðurkenni fyllilega fáfræði mína á þessu sviði og hef því ákveðið að reyna að grynnka á henni. Ætla að leyfa ykkur að njóta góðs af vitneskju minni (þessari litlu sem er til staðar núna) og kynna fyrir ykkur e-ð sem ég held að sé nauðsynlegt að þekkja eða kannast við. Getið jafnvel slegið um ykkur í partýi með hugtökum eins og gildishagfræði. Eða vitað hvað orðið skilvirkni þýðir en ekki bara tala um það. Nú ef þið hafið ekki áhuga skulið þið ekki lesa lengra!!!

–Skilvirkni þýðir að samfélagið nær hámarks notum af takmörkuðum framleiðsluþáttum sínum

–Réttlæti þýðir að hagræðinu af ráðstöfun þessara framleiðsluþátta sé skipt réttlátlega milli þátttakenda í samfélaginu.

Jákvæð hagfræði fæst við að útskýra eða segja fyrir um
–( e. Positive economics) deals with objective explanation
–þ.e. ef skattur er lagður á vöru þá er líklegt að verð hennar hækki

Gildishagfræði býður upp á leiðbeiningar byggðar á gildismati
–(Normative economics offers prescriptions based on value judgements)
–þ.e. leggja skal skatt á tóbak til að draga úr reykingum

Rekstrarhagfræði (e. Microeconomics)
–Fjallar um einstaka þátttakendur í hagkerfinu, eða hópa þeirra, eins og heimili eða fyrirtæki.
–Fjallar um einstök gæði eða flokka þeirra
–Fjallar um einstaka markaði
t.d. vinnumarkaðinn

Margar hagfræðilegar breytur eru metnar /mældar í peningalegum stærðum. Þá er um tvennt að ræða.
–Nafnstærðir (e. Nominal values)
metið á verðlagi hvers tíma
–Raunstærðir (e. Real values)
Aðlagaðar fyrir verðlagsbreytingum miðað við einhvert grunnár
–metið á föstu verðlagi

Vísitölur
–Mælir hlutfallslegar breytingar miðað við tiltekinn grunn.
–Dæmi:
Neysluverðsvísitala, CPI
–Grunnur fundinn með mælingum (neyslukannanir)
–Mælingar á verðlagi
Vísitala landsframleiðslu, GDP-deflator
–Grunnurinn er verðlag nú. Framleiðsla fyrri ára er reiknuð á þessu verðlagi.
–Staðvirða landsframleiðslu, færa á fast verðlag

Vísitölur má þannig nota til að einangra magn eða verðbreytingar.
–Breyting á verðvísitölu kallast verðlagsbreytingar
–Sífeld hækkun verðlags er kallað verðbólga en verðhjöðnun ef verðlag lækkar.

Nafnverð = verðlag hvers árs

Raunvirði = fast verðlag = verðlag tiltekins árs
–Einnig kallað staðvirði

Ef óskir eru um skilgreiningar á fleiri hugtökum kommentið þá bara og ég reyni að finna út úr þeim eftir bestu getu

2004-10-14T22:48:00.000Z

rakst á þetta í mogganum í dag... held þetta sé mjög gott mál:

Skólavefur um skattamál
Ríkisskattstjóri hefur opnað skólavef sem er ætlaður nemendum í efstu bekkjum grunnskóla. Þar er að finna ýmsan fróðleik um skattamál. Þar er einnig svarað spurningum eins og: Hvað eru skattar?, Hvernig er staðgreiðsla reiknuð?, Til hvers er skattkort? Og hvernig telur maður fram á netinu?
Svörin við þessum spurningum og mörgum fleiri er hægt að finna á Skólavef RSK.

Held þetta eigi eftir að gera nemendur framtíðarinnar virkari þjóðfélagsþegna og varari um hagsmuni sína

2004-10-14T18:06:00.000Z

oohhhh... var að bæta við linkum í áhugavert.. og allt fór í klessu og ég barasta hreinlega kann ekki nógu mikið að laga þetta... þeir eru allir fyrir neðan! Ef þið viljið kíkja... Ætla að reyna að afla mér frekari þekkingar á þessu, þið verðið bara að afsaka :)

2004-10-13T23:15:00.000Z

Jæja já... nú er búinn að fara þó nokkurn tími í skrif á netinu um ávísunarkerfi sem Gylfi frjálshyggjumaður leggur til... bendi ég á skrif hans á www.gyl.fi þar sem þið getið lesið ykkur til um málið... mjög svo áhugaverð skoðanaskipti, held við getum ekki verið meira svart og hvítt! En þetta er gott mál, hvetur mann til að koma skoðunum sínum á blað og færa rök fyrir máli sínu.

Birti hér fyrir neðan það sem ég skrifaði honum síðast! Ég bauð Gylfa líka í kaffi í niðurlagi skrifa minna og vil benda lesendum mínum á að Gylfi hefur ekki svarað því hvort hann vilji þiggja hjá mér kaffi næst þegar hann er á ferðinni ;)

Elfa, eða Hlöðver grís eins og ég kýs að kalla mig á netinu sé mig tilneydda til að leiðrétta nokkur atriði í skrifum Gylfa hér á undan.

Þessi skýrsla sem Gylfi vísar í er einungis tilraunaverkefni sem hófst 1996 og lauk rétt fyrir árið 2000. Tilraunin náði aðeins til örfárra nemenda sem ríkið styrkti sérsstaklega til að ganga í einkaskóla. Greiðslan hljóðaði upp á 110% eða 10% umfram kostnað við nemanda í ríkisreknum skóla. Auk þess voru foreldarnir styrktir um 900 – 1100 Nýsjállenska dollara til að mæta öðrum kostnaði.
Hvaða réttlæti er að byggja upp ávísunakerfi ef hugmyndin er sú að tekjulágir noti ríkisskólana en ríkið styrki nemendur sem eiga vel menntaða foreldra eða hafa góðar einkunnir til að ganga í einkaskóla. Hvað er það annað en mismunun?
Fram kom að umsóknir voru 500-600 en einungis um 140 fengu inn. Hvergi kemur fram í skýrslunni á hvaða forsendum skólarnir völdu nemendur, en líklegt er að nemendur með hæðstu einkunnir hafi orðið fyrir valinu. Auk þess kom fram í skýrslunni að almennt voru foreldrar nemendanna vel menntaðir. Benda má á að gerðar hafa verið rannsóknir í Bandaríkjunum sem sýna að ótvíræð fylgni er milli menntun foreldra og námsframvindu nemenda.
Skýrslan getur engan vegin verið mælikvarði á kerfi þar sem allir nemendur væru inni. Það er alveg ljóst að ef þetta væri yfirfært á allt kerfið þá er örugglega hægt að fullyrða að útkoman yrði allt önnur en skýrslan sýnir. Eða eins og fram kemur í skýrslunni sjálfri:
The results of this study, however, cannot be used directly to
support or discredit arguments about the merits or demerits of voucher
schemes at the larger system level.
Ég á skyldfólk á Nýja-Sjállandi sem hefur nýtt sér þjónustu einkaskóla. Þetta fólk hefur átt í erfiðleikum með að uppfylla þær kröfur sem skólinn gerir. En þær kröfur eru að foreldrar sinna fjáröflun fyrir skólan auk skólagjaldanna.
Þetta er einmitt það sem Gylfi kýs að sleppa og er að finna í skýrslunni:
The problems associated with the TIE scheme were financial pressure
on the families and the schools, especially restrictions on the full
participation of students in extracurricular activities because of lack of
income. There were also a few cases of social problems for students
from low-income families in schools where other students were economically
advantaged. There was a strong feeling among principals that
the income eligibility criteria for participation in the scheme needed to
be revised upwards. There was also some discomfort about the situation
for siblings, since only one child per family could participate in the
scheme, which was considered unfair (153)
Fjölskyldur urðu auk þess að velja eitt barn úr systkinahópi til að taka þátt þar sem einungis einn úr hverri fjölskyldu hlaut náð fyrir augum ríkissins.
Umfjöllun sinni um Nýja-Sjállands skýrsluna lýkur Gylfi með þessum orðum: Ég bið þig því að koma með gögn til að sýna annað en ánægju með kerfið á Nýja Sjálandi.
Á móti má spyrja hverjir eru það sem lýsa ánægju sinni með þetta einstaka tilraunaverkefni (þetta er ekki kerfi) það eru að sjálfsögðu þeir sem njóta góðs af því. Foreldrar sem fá framlög umfram aðra til að mennta börnin sín og að sjálfsögðu skólar sem ná til sín meiri pening frá ríkinu en ríkisstyrktuskólarnir fá.

Varðandi spurningu Gylfa um gáfnafar efnameiri nemenda bendi ég á þessa klausu úr grein Gylfa:
Þeir sem meiri pening eiga, hljóta að eiga rétt á því að nota peninginn til að bæta menntun barna sinna. Sú þekking sem getur betur myndast í skólum sem meira hafa milli handanna, flyst auðveldlega til annarra skóla. Þannig batna allir skólar.

Hvernig á að skilja það öðruvísi en að þú teljir efnameiri nemendur gáfaðri þegar þú segir að þekking myndist betur í einkaskólum sem hafa meira á milli handanna. Þetta hefur ekkert með mannvonsku að gera en það er hinsvegar hrokafullt að halda því fram að þekking myndist betur hjá hinum efnameiri.

Gylfi segir að skattleggja hina ríku umfram hina fátæku sé þjófnaður. En ég spyr á móti hvar eru mörkin, er öll skattlagning þjófnaður? Síðan hvenær hefur skattlagning farið eftir réttlæti. Er kílógjald á bíla réttlátur skattur eða þjófnaður? Er gatnagerðargjald á húseigendur sanngjarnt eða þjófnaður, ekki nota húsin göturnar! En hvað eru tekjuhæstu menn þjóðfélagsins að borga mikinn skatt í prósentum? Svar: U.þ.b. 12 prósent. Það er vegna þess að rúmlega 80% af tekjum þeirra eru fjármagnstekjur sem einungis er greiddur 10% skattur af. Það er dýrt að vera fátækur! Svona munað getur hinn almenni borgari ekki leyft sér.

Í svari Gylfa segir: Í skólum og öðrum ríkisreknum stofnunum fer ómælt fjármagn í súginn þar sem þeir þurfa ekki að hafa fyrir peningnum
Ég sting upp á því að þú hafir samband við samninganefnd ríkissins og bendir þeim á þetta til þess að koma í veg fyrir að framhaldsskólakennarar fara í verkfall. Þessa peninga má nota til að hækka launin!!! Nú ef Gylfi telur grunnskólann þarna inni þótt hann tali um ríkissreknar stofnanir þá er hann þarna með lausn á deilu grunnskólakennara við sveitafélögin.

Í lokin vil ég óska Gylfa til hamingju með að fá nafnið sitt birt í Fréttablaðinu. En jafnframt vil ég benda Gylfa á að fyrst við erum sammála um að lágmarkslaun sem sveitafélögin borga kennurum séu smánarleg þá ætti hann að skrifa um það á frjálshyggja.is, því hugsanlega fengi hann að koma fram í sjónvarpinu og rökstyðja sitt mál, því sveitarfélögin virðast ekki vera sammála okkur.
Annars Gylfi, vildi bjóða þér í kaffi og hugsanlega kleinu næst þegar þú átt leið í bæinn því það er gaman að eiga orðastað við þig.

2004-10-10T23:40:00.000Z

Fjörulalli!!!

jáhm var að hjóla heim úr vinnunni sem er svo sem ekki frásögum færandi... (þá hjóla ég úr Skerjafirðinum) nema það er að verða svo svakalega dimmt úti. Þegar maður hjólar við hliðina á sjónum fer manni að detta gömlu sögurnar í hug. Ég man eftir því að amma sagði mér sögur um Fjörulalla... sem ég veit nú eiginlega ekki hvernig leit út nema að hann gerði bændum óleik og já börnum líka. Síðan þá hef ég alltaf haft miklar áhyggjur af að hitta Fjörulalla á gangi þar sem ég er á ferð niður við sjó. Var að reyna að finna lýsingu á kauða á netinu en fann barar nokkrar sögur... þannig þegar ég hitti á hann, skal ég segja ykkur hvernig hann lítur út.

Annars var helgin góð... náði að slappa af á föstudagskvöldinu og djamm á Laugardagskvöldinu sem var í fínu lagi. Nú svo fór Sunnudagurinn mestur í þreytu. Hjólaði í te (ekki kaffi er að draga úr ;) til Gyðu og svo í vinnuna... nú og framhaldið er komið.

Æj nenni ekk'meir

Góða nótt

2004-10-07T21:37:00.000Z

Vika fyrirlestra

Það er langt síðan það hefur verið svona mikið að gera hjá mér í skólanum. Tveir fyrirlestrar sömu vikuna. Reyndar mjög skemmtilegt að vinna þá báða, var í svo góðum hópi :) Fyrst við Elfurnar og svo við Elfurnar og Gudda... ekki amalegur félagsskapur. Fyrri fyrirlesturinn um drauma prinsa og prinsessur var hit! fengum komment " the next sex n' the city girls" ekki amalegt það. Líka einkar áhugavert að safna upplýsingum í þann fyrirlestur. Elfa sá um að spyrja stelpurnar en ég spurði strákana og það var ýmislegt sem kom í ljós sem ég ætla ekki að deila hér en þið megið alveg spyrja mig ef ykkur langar í nánari útlistingu á hvernig þær eiga að líta út. Seinni fyrirlesturinn hjá fjölgreinda Erlu tókst líka alveg furðu vel. Mér datt í hug að fara niður á safn og sækja alla leiki og ýmis þroskaleikföng sem nota má í kennslu og flétta svona sýningu inn í fyrirlesturinn. Hinir fyrirlestrarnir voru búnir að vera svo grautleiðinlegir og beinar þýðingar upp úr bókinni. Við vildum ekki vera þekktar fyrir einhvern leiðindahátt og spæsuðum þetta aðeins upp og ég held svei mér þá að það hafi tekist :)

Annars er framundan vinnuhelgi. Mér var boðið með í óvissuferð með Stúdentaráðinu en kemst ekki útaf vinnunni en ég að sjálfsögðu mæti í partýið!.... þá sjaldan maður lyftir sér. Svo er ég líka að spá í að kalla BÍSN saman og fá þau í aðgerðir til að mótmæla hækkun innritunargjalda. Alveg sama þó að einkaskólar séu inn í þessu samstarfi, innritunargjöld eru ekki sama og skólagjöld eða það er það sem stjórnvöld vilja meina og því ættum við að geta brugðist við að fullri hörku!

Bið að heilsa

2004-10-05T09:22:00.000Z

You're the one that I want...ú ú ú!!!!

Já var í spinning í morgun í svona líka fínni Grease syrpu þegar mér datt í hug topic fyrir fyrirlesturinn minn í ensku..... Hver er drauma stelpan/strákurinn eða draumamakinn... Eru kynin ólík? og fer makaval eftir þessum drauma hugmyndum...

It's a Grease lightning ;)

Endilega ef þið vitið um e-ð þessu tengt eða viljið segja mér frá drauma makanum látið flakka og ég nota það í fyrirlestrinum

2004-10-04T21:37:00.000Z

Norðurferð

Já lagt var í hann á föstudaginn var og keyrt í einum rikk norður. Ferðin gekk vel en við vorum ekki komnar á staðinn fyrr en um níuleytið. Vinkona Jóhönnu kom í heimsókn og við kíktum út á lífið. Það var svo sem ekkert sérstaklega mikið af fólki en við gerðum gott úr þessu og kíktum á kaffihús og loks svo yfir á Sjallann þar sem var háskólaball. Gylfi tók á móti okkur og bauð okkur hjartanlega velkomnar... ferlega sætur í sér. En við dugðum stutt þar og fórum því bara heim í kaffi og spjall. Þetta þýddi að maður var ekki sofnaður fyrr en undir morgun og átti að vera vaknaður kl níu næsta morgun... sem við og gerðum!

Jóhanna var voða myndarleg (maður er alltaf myndarlegur í svona húsmæðraorlofi) og eldaði hafragraut handa okkur svona árla morguns. Svo brunuðum við í sveitina til systur hennar. Þar hitti ég á fólkið og lagt var á hestinn fyrir mig (Jóhanna lánaði mér sinn hest) og ég fékk að ríða að réttunum. Fyrstu fimm mínúturnar voru hreint út sagt hræðinlegar. Ég ímyndaði mér allt hið versta og vissi ekkert hvernig ég átti að bera mig að á hestinum. En svo þegar við vorum lögð af stað og Jóhanna búin að segja mér til var þetta ekkert smá gaman... Þegar við komum að réttunum var verið að reka hestana að. Við fylgdumst svo með þeim reka hestana í rétta dilka og síðan var farið í kvenfélagskaffi. Ég reið ekki heim úr réttunum heldur keyrði jeppann hennar systur hennar sem var bara gaman líka þar sem ég fór yfir óbrúaða á. Síðan þegar heim var komið beið okkar yndisleg kjötsúpa og kaffi. Síðar um kvöldið var svo undirbúningur fyrir réttarball þar sem ég fékk formlegt boð að mæta í réttir að ári. Þar var reyndar átt við fjárréttirnar og aldrei að vita hvort maður skelli sér ekki barasta með. Á ballinu var flest öll sveitin og gaman að sjá alla karakterana sem Jóhanna var búin að tala um. Sumir voru eins og persónur úr ævintýrum s.s. einn karakter úr Harry Potter annar úr Lord of the Rings o.s.frv. Ég reyndar dugði stutt á ballinu enda gjörsamlega búin á því eftir akstur, svefnleysi og spenning :) En ég kann Jóhönnu bestu þakkir fyrir hreint út sagt frábæran dag!!!!

Í gær fór ég svo með Gylfa að skoða háskólann á Akureyri. Þeir eiga mjög flottan skóla og fékk ég líka þennan fína sýningartúr um húsakynnin. Rétt eftir hádegi lögðum við Jóhanna svo í hann og gekk heimferðin vel þrátt fyrir drungalegan himinn.

Dagurinn í dag var svo alveg fyndinn! Við Gudda erum búnar að vera í einhverjum fíflaskap í allan dag s.s. eins og að keyra upp í Hafnarfjörð og þykjast vera út á landi. Þeir þarna í Firðinum spurðu okkur hvaðan við værum þegar við vorum að dást að sjálfum okkur fyrir að vera komnar svona langt. Við sögðumst skömmustulega koma frá Reykjavík... en ég held þeir hafi búist við svari að við værum frá Hellu eða e-ð. Við keyptum alls konar glingur þarna í Hafnarfirði og enduðum svo á kaffihúsi búnar að gera kjarakaup. S.s. eins og með barmmerki sem á stóð: Orgasm Donor, So which one of the seven dwarfs are you? og loks stop staring at my tits. Ég held þessi eigi eftir að gera góða lukku. Síðan erum við búnar að vera upp í skóla að hangsa og gera ég veit ekki hvað.... allavegana minnst af því að læra eins og við ætluðum nú að gera mest af. Jæja ætla að fara að hugsa um topic fyrir fyrirlesturinn sem ég á að flytja á ensku.... og ekki segja flyttu bara fyrirlestur um Davíð Stefánsson!!

2004-10-04T16:14:00.000Z

oohhhh var búin að blogga svo fínt og allt datt út....
Skrifa þá bara stutt núna! Það var gaman fyrir Norðan punktur djö hvað ég er pirruð yfir þessu
læt heyra í mér þegar ég er í betra skapi!

2004-09-30T11:42:00.000Z

Stjórn Bísn og kröfuganga

Jæja er nýkomin úr kröfugöngu kennaranema til stuðnings samningarnefnd og kennurum. Við lögðum af stað frá Kennó upp úr hálf níu og vorum komin niður í Borgartún rétt fyrir níu þar sem fundurinn átti að fara fram. Í gærkvöldi var föndurkvöld þar sem átti að hittast og búa til kröfuspjöld. Fyrir utan mig, Sigga, Guddu og Ólöfu mætti ein manneskja... Frekar lélegt! En við drifum í að klára spjöldin þannig nóg var til af þeim í morgun. Það var sem betur fer miklu betri mæting í morgun og yfir hundrað manns tóku þátt í göngunni okkar. Það var svo vel tekið eftir okkur að það var kvótað í okkur í morgunblaðinu. Og var það slagorðið sem ég samdi (geggjað stolt!) Er líf eftir útskrift? Það var tekið vel á móti okkur niður í Borgartúni, klappað þegar við komum og maður fékk alveg gæsahúð yfir stemmningunni. Já, berjist kennarar!

Ég var kosin inn í stjórn Bísn í gær og komin inn í e-ar nefndir og ákvað strax að hella mér út í þetta og taka m.a. þátt í ráðstefnu á Selfossi sem verður október um lýðræðisþátttöku. Mjög svo áhugavert. Allavegana hlakka til að fá að taka til hendinni þar.

Nú svo er það norðurferðin... það er víst komið að henni hún er bara á morgun. Þá er bara aað skella sér í kántrí fötin og taka þátt í sveitasælunni í Svarfaðardal. Ég er búin að leigja íbúð af félaginu hans pabba (takk f. hjálpina pápi!) á Akureyri og verðum við þar yfir helgina ég, Jóhanna og Tedda. Einnig eru Siggi og Óskar að spá í að kíkja á okkur á laugardeginum sem væri bara gaman.

En segi betur frá ferðinni eftir helgina.

2004-09-26T20:57:00.000Z

Nýr bloggari!

Hún Gyða vinkona er búin að vera blogga í laumi. Kom víst upp um sig í dag og því bæti ég henni á listann. Endilega kíkið á síðuna til hennar, skemmtileg lesning.

2004-09-26T11:55:00.000Z

Búin að vera róleg....

Jæja já undanfarnir dagar eru búnir að vera ótrúlega ljúfir. Varla gert neitt! Ágætis tilbreyting svo sem. Enda veitir ekki af að taka frá tíma til að hlaða batteríin fyrir næstu törn. Framundan er stjórnarfundur hjá BÍSN þar sem ég er einmitt að fara að bjóða mig fram og það er nóg að gera framundan á þeim bænum. Síðan tekur við helgi í stóðréttum.... þar sem við erum nokkrar búnar að taka okkur saman og leigja okkur íbúð á Akureyri og höldum svo þaðan yfir í Svarfaðardalinn (heimasveit Jóhönnu). Ég hef það á tilfinningunni að þetta verði ákaflega forvitnilegt. Tedda kemur með og svo held ég að ég sé búin að plata Guddu með. Hugmyndin er líka að kíkja í Háskólann á Akureyri og kanna aðstæður þar. Við Gudda erum nefninlega búin að vera að ræða málin með framhaldsnám og hvað sé í boði. Væri gaman ef tími gefst til að kíkja þangað og kanna aðstæður, þá getur maður allavegana sagt að maður hafi komið þangað.

En nóg um það, vaknaði kl 8 í morgun og búin að vera að læra (fyrir utan klukkutíma sem fór í að lesa blöðin... mar verður nú að leyfa sér smá!) Er loksins að komast í e-ð námsstuð, tími til komin. Annars er það bara vinnan og ræktin same old same old en maður heldur sér allavegana við efnið :) Hætt þessu þar sem ég hef ekkert meira að segja!!!

2004-09-22T18:33:00.000Z

NÝ TÖLVA.... oggisslega gaman!

Jæja nú er ég komin með dellarann í hendur og er að prófa mig áfram. Búin að hlaða draslinu inn og nú er bara tími til kominn að fara að nota hana til að læra :) Mikið svakalega er gaman að vera loksins búin að fá mér mína eigin tölvu. Búin að ætla að versla eina síðan ég byrjaði í Kennó.... er sem sagt búin að komast upp með að vera tölvulaus síðan ég byrjaði... suss ekki segja neinum!

Annars er svo sem ekkert mikið að frétta, búin að vera frekar til baka undanfarið e-r þreyta yfir manni. Er nýbyrjuð í nálastungumeðferð og síðan þá er ég búin að vera eins og ég hafi verið slegin utanundir. En allt er á uppleið, held það geti bara farið upp.

Allt brjálað í fréttum útaf kennaraverkfallinu. Þetta er nú meira ruglið. Kennarar mega bara hreinlega ekki fara í verkfall. Fréttablaðið skrifar hverja níðfréttina á fætur annarri um hversu kennarar eru ömurlegir. Hvernig væri bara að borga mannsæmandi laun og hætta að ýta undir hag atvinnurekenda. Það að semja vel við kennara mun koma mun fleiri stéttum en bara kennurum til góða. Ég vona að fólk sjái að sér of horfi lengra en nef sér.

En jæja það er komin miðvikudagur og fimmtudagur á morgun... vitið þið vikurnar hreinlega fljúga. Nú er ég loksins byrjuð í valnámskeiðinu mínu sem heitir stelpur, strákar og skólar. Þetta námskeið held ég að eigi eftir að vekja mann til vitundar um hvað kynin eigi sameiginlegt frekar heldur en það sem er ólíkt með þeim. Kannski ættum við að fara að horfa meira á það hvað fólk eigi sameiginlegt fremur en það sem er ólíkt, hugsa að það mundi einfalda marga hluti.

nóg um allt og ekkert...

2004-09-19T20:52:00.000Z

Heil og sæl,

Þvílík helgi! Ég er búin að sitja á fundi föstudag og laugardag með LISTEN-ráðinu að meta ráðstefnuna sem farið var á í Danmörku í sumar. Það er mjög spennandi vinna framundan hjá þeim og væri gaman ef maður fengi að taka þátt í meiri vinnu með þeim. Framundan er að reyna að boða til Evrópufundar kennaranema og stofna samtök í kringum það. Einnig að halda ráðstefnu með Balkanskagalöndunum, en það yrði næsta sumar. En við verðum að bíða og sjá ég allavegana var þarna í góðum hóp stúdentaráðsleiðtoga frá Norðurlöndunum að debeita um hin ýmsu mál. Lærði alveg helling af þessu! Á föstudagskvöldinu var svo farið voða fínt út að borða á Carusso og kíkt á útgáfupartý skólablaðsins sem haldið var á Pravda. Ég entist nú ekki lengi og var komin heim fyrir miðnætti. Fundinum var haldið áfram á laugardeginum og svo aftur farið út að borða, að vísu ekki eins fínt núna. Ég reyndar var gjörsamlega uppgefin og hitti þau bara á veitingastaðnum þar sem ég ákvað að borða heima. Síðan var haldið út á lífið. Liðið dugði að vísu stutt þar sem það átti að mæta í flug morguninn eða seinnipartinn og vildi því vera ferskt daginn eftir. Ég endaði því ein eftir með strákunum og við tók afar skemmtilegt kvöld. Við þvældumst á milli staða og kíktum m.a. í partý í Kópavoginn...annað stráka partý. Ég fékk því góða innsýn inn í heim stráka. Við Siggi (form.) stóðum okkur best og enduðum á Hverfisbarnum bara tvö. En það vildi svo skemmtilega til að Gyða og co voru einmitt að skemmta sér þarna líka þannig að ég fékk nú aðeins að dansa :) Ég keyrði svo heim um hálf-sex leytið alveg búin á því! Ég hafði ætlað í spinning í dag en það varð lítið úr því þar sem ég þurfti aðeins meiri svefn heldur en fjóra tíma. Ég plataði því Jóhönnu með mér í hjólatúr seinnipartinn og við tókum hring í kringum Reykjavík. Alveg rosalega gaman. Fór ofan úr Árbænum niður í Skerjafjörðin, þaðan á Eiðistorg, niður á Granda úr miðbænum uppeftir fram hjá Ikea og loks aftur upp í Árbæ. Þetta var alveg magnað og ég er harð ákveðin að nú fær Jóhanna ekki frið fyrir mér í útivistinni. En hún á svo sem næsta leik þar sem hún bauð í stóðréttir fyrir norðan. Ég er nú ekki viss um frammistöðu mína í svoleiðis útivist....en ég er alltaf til í gott sveitaball sem hún er búin að lofa! Jæja nóg um röfl og skemmtanir nú þarf maður að fara að dröslast í lærdómin því ekki vinna verkefnin sig sjálf. Helgin fór víst í allt annað þrátt fyrir að ég hafi lært fullt af öðru þessa helgi.

Síjú!

2004-09-16T08:50:00.000Z

Jæja ég vil byrja á því að minnast á að ég setti inn bloggið hjá hinni Elfunni (not my other self though) og vil benda fólki á að kíkja á það. Nú svo sé ég það að það er einungis kvenfólk sem ég þekki sem bloggar þannig ég þarf nú að fara að gera e-ð í því. Kynnast fleiri strákum eða forvitnast um hvort þeir bloggi!

Helgin framundan er full-plönuð. Ég ætla að setja fundinn með LISTEN-ráðinu þ.e. hópur kennaranemanna sem skipulagði ráðstefnuna sem ég fór á í sumar. Þetta á eftir að vera einkar áhugaverðir fundir (sem standa yfir frá fös-fram á sun-, sem betur fer er ég í fríi í vinnunni). Það á að gera upp ráðstefuna í sumar hvernig á að nýta hana og stefnumótandi umræður um hvernig nota eigi samstarf eins og þetta í framtíðinni. Allavegana eitthvað sem ég hef mikinn áhuga á. Nú svo á maður eftir að kynnast þessu fólki enn betur og e-ð djamm og einhverjar skoðunarferðir eiga eftir að vera.

Annars er maður bara búin að vera á 100 í skólanum og vinnunni en samt allt gaman barasta. Spennandi áfangar í boði og svo fær maður náttúrulega borgað fyrir að vera í vinnunni þannig ég get ekki kvartað :)

Svo já, eitt enn Norðurferðin mikla í boði Jóhönnu! Ég er að fara í hestaréttir fyrstu helgina í október. Það ætti eftir að vera mjög forvitnilegt fyrst maður hefur ekki komið nálægt hestum á háa herrans tíð. En stefnan er á að leigja íbúð á Akureyri og keyra svo þaðan í sveitina og taka þátt....suss! þetta verður svaka gaman.

Bið að heilsa í bili!

2004-09-13T16:22:00.000Z

huhumm.. er enn að vinna í þessu og linkurinn ekki virkað og kommentinn ekki inni.. redda þessu við betra tækifæri

2004-09-13T09:53:00.000Z

Nýr linkur!

Hún Jóhanna Björg var að senda mér slóðina á heimasíðuna sína ég addaði henni því á listann. Endilega skoðið þið.... margt fróðlegt!

2004-09-11T07:40:00.000Z

er það minn eða þinn sjóhattur...

Vikan er sannalega búin að líða hratt. Maður á í erfiðleikum með að innbyrgða allt sem er í gangi í skólanum... maður á hreinlega að vera komin á fullt og verkefnin sem maður á að skila hrannast inn. Ekki það að það sé eitthvað slæmt heldur er það nú aðallega að gefa sér tíma í að gera þau. Ég þarf t.d. að taka viðtal við einhvern enskumælandi (má ekki vera íslendingur) um helgina. Held nú samt að ég sé búin að ná að redda því þar sem Gummi (einn úr enskuhópnum) bauðst til þess að lána mér einn danskan vin sinn. Vinurinn heitir Lars, ætli maður kaupi ekki bara einn öllara handa honum og þá stoppar hann örugglega ekki.

Hin árlega Laugavatnsferð var í gær. Mikið lifandi skelfingar ósköp var gaman. Við vorum þrjár sem stjórnuðu rútunni... en það var edrú manneskjan sem byrjaði á því að stjórna liðinu, hinar þurftu aðeins að smakka það áður en þær treystu sér í mækinn (dramadrottningin fór bara í hlutverk í staðin). Það fóru fimm rútur og held ég megi með sanni segja að okkar rúta var skemmtilegust :) Einn strákurinn af fyrsta ári kunni á gítar og hann stoppaði ekki allan tímann. Við heltum í liðið og á tímabili leið manni eins og maður væri komin á samkomu á sjónvarpsstöðinni Omega þar sem hann bullaði eins og Laufdalinn til að hvetja fólk áfram í sterka víninu sem flaut um rútuna í boði Stúdentaráðs. En eftir mörg pissustopp og þegar loks var komið á Laugavatn tók skemmtidagskrá og grill við. Síðan "brekkusöngur" og loks sveitaball í Úthlíð. En þegar komið var í Úthlíð þá meikaði mín það ekki hreinlega lengur og veikindin sem eru búin að heita slen alla vikuna tóku sig upp. Ég var svo heppin að strákarnir Óskar og co voru búnir að leigja bústað að ég fékk að fara þar inn og leggjast upp í eitt rúmið með félaga fötu mér við hlið. OJ, barasta. Síðan hringdi mín voða lítil heim (nei, ég er ekki nýorðin 25) í pabba sinn og mömmu og þau komu og sóttu litla barnið í Úthlíð. Mikið ósköp var ég fegin að sjá þau... og er ég þeim ævinlega þakklát að bjarga mér úr þessum hremmingum. ÖMURLEGT að vera fastur einhversstaðar veikur. Þannig það er nú þess vegna sem ég er vöknuð snemma á laugardagsmorgni að sjóða egg (maður verður nú að þakka m&p fyrir sig með heitri máltíð ;). Enn ræfilsleg og á að mæta í vinnu á eftir... úff við verðum nú bara að sjá til með það! En nóg röfl um slen og veikindi. Vonandi skemmtið þið hin ykkur vel um helgina ég held ég hangi bara inni og hugi að sleninu!

2004-09-07T20:02:00.000Z

Skólinn og Sænski ráðherran

Jæja, skólinn er kominn á fullt. Ég held að fyrsti skóladagurinn hafi aldrei verið jafn skemmtilegur. Maður komst varla áfram á ganginum útaf maður þurfti að heilsa og tala við svo marga. Þetta lítur út fyrir að vera spennandi vetur framundan. Ég er líka búin að bjóða mig fram í stjórn BÍSN og ef ég fer þar inn þá verður nóg að gera í vetur fyrir utan námið við hin ýmsu hagsmunamál stúdenta. Einnig er mikil vinna framundan þar í alþjóðanefndinni í að skipuleggja ráðstefnu sem á að halda hér á landi eftir áramótin.

Ég fór á fyrirlestur sænska utanríkisráðherrans í dag... og ég fór ekki út alveg sátt. Fyrirlesturinn átti að vera um þróun Balkanskagalandanna og alþjóðalög. Mér fannst hún nú rétt svo dífa litlu tánni í þau mál og ræddi meira um að það þyrfti að móta stefnu hvernig ætti að styðja við bakið á Bandaríkjamönnum í Írak og jafnframt hvernig ætti að styðja þá í baráttu sinni gegn hryðjuverkum. Það virðist því ekki vera nein hugarfarsbreyting hjá stjórnvöldum í sambandi við þessi málefni þó við almenningur séum engan veginn fylgjandi því sem er að gerast í heiminum í dag. Þeir eru greinilega ekki mikið gáfulegri þarna í Svíþjóð. Vildi bara rétt létta á mér, varð bara e-ð svo fúl!

2004-09-05T19:12:00.000Z

1/4 Aldar Afmælið!

Það var þvílíkt geim heima í gær og allir skemmtu sér konunglega. Bauð gestum upp á bollu og ýmsa rétti. Eftir smá tíma voru allir orðnir hressir og farnir að tala saman (þar sem að það þekktust ekki allir fyrir). Strákarnir mættu með gítara og það var tekið lagið og afmælissöngurinn spilaður enn og aftur... þetta var eiginlega orðið 4 í afmæli þar sem ég er eiginlega búin að fá gjöf upp á hvern dag síðan ég átti afmæli, ekki leiðinlegt :). Svo voru allir svaka gjafmildir og ég fékk þessar líka fínu gjafir. Þar má helst telja, hvítvín... sem verður geymt til betri tíma fyrir gesti og gangandi, snyrtivörur, nærklæði, víbrador (þeim fannst ég þurfa á því að halda þar sem ég væri ekki komin með neinn upp á arminn), andlitsbað, pening, blóm og vasa, boli og að lokum gjafakort í kringluna. Kann ég öllum velgjörðar mönnum mínar miklar þakkir og mun þetta allt koma sér vel að notum... þó meira sumt heldur en annað ;)

En allavegana partýið stóð til að verða 03 þá fórum við öll saman niður í bæ og lá leiðin niður á Hressingarskálann og stiginn voru nokkur létt spor. Smám saman þynntist hópurinn og við þvældumst aðeins um miðbæinn. Það var um 06 þegar 3 af okkur héldu af stað í leigubílnum heim. Við tók tiltekt og skúringar en mín var helv. góð og rimpaði þessu af á klst.

Mest fannst mér þó fyndið að ég átti að vera alveg piss... í gær, en smakkaði ekki dropa nema þá gott kaffi.... hahaha fooled u all :)

2004-09-03T16:15:00.000Z

Glasgow var það heillin

Jæja nú er ég komin heim úr utan för minni og ég get sagt ykkur það að það er gott að vera komin heim. Þrátt fyrir að stefna á afslöppun eftir flug tókst það nú ekki alveg nógu vel. Byrjaði á því að mæta í vinnuna og svo var fyrst bjórkvöld vetrarins og maður gat nú ekki setið heima. Nýta þetta því það verður ekkert aftur "fyrsta bjórkvöld vetrarins" eftir að maður útskrifast.

Jæja en mig langar að segja lítillega frá Glasgow!

númer 1.... það eru ekki myndarlegir karlmenn í Glasgow

númer 2....kvenfólk í Glasgow klæðir sig ekki þegar það fer út að skemmta sér, það fer í hárbönd og brjóstarhaldara.

númer 3...Skotar eru með alveg frábæran hreim og rosalega gaman að tala við þá!

Ferðin sjálf var rosa fín, sérstaklega var skemmtilegt að koma til Edinborgar og sjá allar þessar flottu byggingar, alveg eins og maður væri komin inn í ævintýraheim. Þar fórum við í leikhús, draugatúr og gönguferð. Það má með sanni segja að skotar kunni söguna sína vel og geta talið upp kónga og drottninga aftur í rassgat........... og halda þá sérstaklega upp á Mary queen of Scots sem ég skil nú ekki alveg þar sem hún var í fangelsi í 17 ár áður en hún var hálshöggvin, sé nú ekki alveg glamúrinn af því. Fórum og skoðuðum höllina hennar þar sem henni var veitt tilræði og hún flúði þaðan til Elísabetar hálfsystur sinnar sem lokaði hana svo inni. Sem betur fer er ég og Líney alsystur... held að þær myndu ekki loka hvor aðra inni. Jæja já, en Glasgow já er borg búða og ég get sagt ykkur það að meira segja mér fannst meira en nóg um búðir þarna og hefði dugað alveg ein gata. Kvöldin í Glasgow eru líka mjög skemmtileg, alltaf e-ð líf og alltaf einhverjir klúbbar opnir (líka á virkum dögum) og við dröttuðumst á þá á hverju kvöldi. Strákarnir stóðu sig samt best í djamminu og voru búnir að semja dans sem þeir notuðu óspart á dansgólfinu til að heilla hárböndin og brjóstarhaldarana... sem var MJÖG gaman að fylgjast með því þær fóru allar svo hjá sér. Við stelpurnar vorum í stilltari kantinum og dönsuðum eins og innfæddar :)

Síðasta kvöldið bar einmitt upp á 25 ára afmælisdaginn minn. Við fórum öll út að borða og strákarnir buðu mér út... ekkert smá næs, hugsa sko um sína! Auður kennari hélt líka þessa fínu tölu um mig og þakkaði mér kærlega fyrir að hafa komið þessari ferð á með "kurteisilegri ýtni minni" (sem strákarnir sögðu að væri annað orð yfir að vera frek og mér á eftir að vera núið um nasir það sem eftir er) en allavegana var talað voða fallega um mig og svo sungið... ekki amalegt. Síðar um kvöldið minntist Auður kennari líka á að hana vantaði e-rn til að vinna verkefni með sér sem gæti verið B.ed ritgerðarefni og hún myndi borga fyrir það. Þetta efni sem hún talaði um er meira að segja mjög spennandi og ég og önnur eru mjög að hugsa okkur um. Það væri flott að vera komin með e-ð þar sem við sem ætluðum upphaflega að skrifa saman eru komnar í marga hringi um hvað skuli skrifa.

En jæja já, svo býð ég þér kæri lesandi góður í afmælisgeim annað kvöld heima hjá mér... maður verður nú að halda upp á þessi 25 með stæl!

leiiierrss!!!!

2004-08-27T01:15:00.000Z

Fór á hjólinu í dag og byrjaði á því að hjóla niður í rækt til að fara í spinning...soldil klikkun finnst mér, að hjóla til að fara í spinning en jæja maður verður víst í ræktina ef maður ætlar að byggja upp einhvern massa og lyfta lóðum. Djö hvað spinningkennaraskvísan er með flotta handleggi suss.. ég ætla að fá mér sollis! Ekki misskilja mig við erum ekki að tala um Möggu Tönn við erum meira svona í stælleika.
Fór á fund í gær útaf Glasgow reisunni. Ég er nú reyndar svo út úr kortinu þessa dagana að ég gleymi öllu. Ég boðaði fundinn þar sem þetta var nú mín hugmynd í upphafi svo mæti ég í vinnu og er bara þar og fatta allt í einu að ég sé að gleyma einhverju... nema hvað fundinum en það kom ekki að sök og ég mætti bara of seint og allir samt glaðir. Mér líst mjög vel á þessa reisu. Planið er að fara á fótboltaleik, leikhús m.a. sjá gamla hjartaknúsarann Christian Slater (jih, ég man hvað manni fannst hann æðsilegur í "pump up the volume"). Nú svo á að fara í draugatúr og bara alls konar menning. Að ógleymdu viðtalið við Skota. Ég spurði kennarana mína út frá hverju við ættum að velja viðmælendur, hvort það væri nóg að þeir væru í skotapilsi... held að Sammi kennari hafi fundist ég ganga of langt en Ausa brosti bara. Svo spurði ég af hverju væri ekki gert ráð fyrir pöbbarölti á dagskránni (þó ég ætli nú ekki að vera í djúsi þá verður maður að fara á pöbba það er menning!) strákarnir voru fljótir að taka undir og Sammi samþykkti að þetta væri nauðsynlegur og stór hluti ferðarinnar. Annars var ég orðin svo rangeygð af þreytu í gær að ég held ég hafi ekkert vita hvað ég hafi verið að bulla. Er nefninlega búin að vera að fara á fætur fyrir 6 alla vikuna og vinna til 23 og helst vera á e-u tedrykkju eftir það (já sko nú er ekki kaffi lengur á kvöldin). En það verður vonandi nógur tími til að sofa í rútunni og flugvélinni. Ég er bara að vinna til 21 í kvöld þannig ég ætti að ná að skella í eina þvottavél og pakka, en þarf svo að vera komin niður á BSÍ fyrir hálf-fimm............vitið ég væri bara alveg til í að vera heima!!!!

2004-08-24T11:45:00.000Z

Draumfarir

Mikið voðalega dreymir mig þessa dagana. Um daginn var mig að dreyma dautt fólk, í fyrrakvöld þrumur og eldingar og svo loks í nótt að það stykki yfir mig rotta. Mér finnst þetta ekki huggulegt og farin að hafa áhyggjur af þessu hvort þetta séu einhverjar aðvaranir og ég ekki að fara eftir þeim. Hvað veit maður draumar og draumaráðningar hafa tíðkast frá ómunatíð og hver man ekki eftir gömlu góðu fornsögunum sem voru aldrei "hitt" nema einhver hefði dreymt e-ð og fengið ráðningu yfirleitt dreymdi fólk fyrir um einhver dauðsföll annað hvort maka eða barna. Ferlega skrýtið ef maður spáir í þetta að undirmeðvitundin eða þetta að "ofan" sé að senda manni skilaboð í gegnum drauma og svo veit maður ekki í hvorn fótinn eigi að stíga því maður skilur ekki skilaboðin... hvað með sms, nota tæknina! Nei nei vildi bara svona deila þessu með ykkur og vita hvort einhver gæti gefið eitthvað út á þetta með rottuna en býst svo sem ekki við að það boði eitthvað gott. Jæja þyrfti annars að fara að dusa rykið af Tarotinu og fletta spilunum. Við Jóhanna fórum á kaffihús í gærkvöldi og ég greip þau með svo einhvern veginn varð ekkert úr þessu. Auk þess eru uppáhaldsspilin mín týnd eftir flutningana og hin eru ekki eins skemmtileg soldið spúkí. En andleg málefni já, alltaf hægt að ræða þau.
Svo skilst mér að amma gamla hafi verið lögð inn á spítala en það var ekkert verið að hafa fyrir því að segja mér það fyrr en í gær, hún var víst lögð inn á laugardag. Svo þegar ég fór að spyrjast fyrir í gær og vildi hringja í kellu þá var viðkvæðið "æ maður á aldrei að segja neitt" hnussss... with amma erum frekar close og hefði bara gaman að vita að maður hugsaði til hennar. Nóg röfl farin að vinna !

2004-08-24T03:28:00.000Z

Ég er farin í
þurrkun!

Jæja já nú er maður búin að haga sér eins og fífl alla helgina (þeir sem vilja fá staðfestingu á fíflaskapnum er bent á myndasíðu hverfisbarsins þar sem sést vel ástand undirritaðara og bekkjasystra hennar) en nú er kominn tími til að tjúnna sig niður fyrir skólann og setja sig í námsstellingar.....hætta þessari vitleysu og eins gott að standa sig þar sem maður vill að meðaleinkunnin haldist í toppinum. Maður vill nú ekki fara að útskrifast með einhverjar "rusl" einkunnir tala nú ekki um ef maður ætlar að meika það í framhaldsnám. Það verður áhugavert að vita hvernig leyst verður úr önninni ef til verkfalls kemur en það verður allt að koma í ljós.
Ég er mætt í vinnuna niður á Vesturgötu aftur og mikið rosalega er tekið vel á móti manni. Ég er búin að vera að spreyta mig á ýmsu m.a. að útbúa bækling fyrir dagskrá vetrarins. Ótrúlega hvað þær eru hressar kellurnar hérna.
Spurning um bíó í kvöld þar sem ég var búin að lofa að fara að liðveislast. Annars býð ég bara eftir að fara til Skotlands og ætla að hegða mér voða vel þar þrátt fyrir að ég viti af eigin raun að Skotarnir eru helvíti harðir í djamminu. Ætla frekar að fjárfesta í fatnaði heldur en heví kvöldum. Býst nú samt við að bekkjarbræður mínir eigi eftir að standa sig vel í bjórdrykkjunni og halda uppi heiðri hópsins. Ég og Auður Torfa (kennarinn) verðum bara góðar saman og verðum voða menningarlegar. Það er fullt að gerast í Skotlandi þessa dagana (Meira heldur en bara flóð). Það er Fringe-festival sem er meira svona underground hátíð og svo er það auðvitað Edinbourgh-festival sem er meira svona fancy. Svo var Rach að tala um á sínum tíma að hún væri alveg til í að hitta mig í Skotlandi það væri helv. flott. Er að vinna í að finna handa henni kall. Mér leist mjög vel á Sjonna frænda handa henni lýsti honum sem "tall blonde viking" og hún kiknaði alveg í hnjáliðunum. Nú er bara spurning að senda Sjonna frænda út á leik og hafa upp á henni þau ættu vel saman. En þar sem ég hef nú aldrei verið þekkt að halda mínum spilum rétt á hendi í kallamálum þá er spurningin hversu góð Match-maker ég er.... en hey alltaf betra að redda öðrum ;)
En jæja nóg um allt og ekkert fer að koma tími á að fara hjólast heim þarf að finna besta rúntinn héðan úr miðbænum, Einhverjar tillögur??